१९ वर्षांखालील महिलांच्या आशिया कपमध्ये भारत विजेता, त्रिशा चमकली!

प्रथम फलंदाजी करताना भारताने २० षटकांत ७ गडी गमावून ११७ धावा केल्या आणि विजयासाठी ११८ धावांचं आव्हान दिले. त्रिशाशिवाय भारताकडून अन्य कोणत्याही फलंदाजाला मोठी खेळी करता आली नाही. गोंगाडी त्रिशाने ४७ चेंडूत ५ चौकार आणि २ षटकारांच्या मदतीने ५२ धावांची खेळी केली. कर्णधार निक्की प्रसादलाही मोठी धावसंख्या उभारता आली नाही. मिथिला विनोदने शेवटी काही वेगवान खेळी खेळली आणि १२  चेंडूत १७ धावा केल्या.