मुंबईतील वरळी या ठिकाणी असलेल्या फोर सीजन या तारांकित हॉटेल शेजारी बांधकाम सुरू असलेल्या इमारतीच्या ४२ व्या मजल्या वरून मंगळवारी रात्री ९ वाजण्याच्या सुमारास सिमेंटचे ब्लॉक कोसळून मोठी दुर्घटना घडली आहे. या दुर्घटनेत दोन जणांचा मृत्यु झाला असून अनेक वाहनांचे मोठ्या प्रमाणात नुकसान झाले आहे.
सूत्रांनी दिलेल्या माहितीनुसार वरळीतील गांधी नगर या ठिकाणी असलेल्या पंचतारांकित हॉटेल ‘फोर सीजन’ च्या शेजारी फोर सीजन रेसिडेन्सी या ४२मजली इमारतीचे बांधकाम सुरू आहे. मंगळवारी रात्री ९ वाजण्याच्या सुमारास बांधकाम सुरू असलेल्या इमारतीच्या ४२व्या मजल्यावरून बांधकासासाठी लागणारे सिमेंटचे काही ब्लॉक कोसळून झालेल्या दुर्घटनेत दोन जण गंभीर जखमी झाले, त्याच बरोबर परिसरात उभ्या असलेल्या वाहनावर हे ब्लॉक पडल्याने वाहनांचे मोठे नुकसान झाले आहे.
हे ही वाचा:
पहाटेचा शपथविधी; पवार-ठाकरे यांनी भाजपाला गंडवल्याची कथा
महाशिवरात्रीला घ्या १२ ज्योतिर्लिंगाचे दर्शन
बाबरपेक्षा स्मृती मानधना गब्बर
काश्मीरच्या लिथियम साठ्यावर दहशतवाद्यांचा डोळा
या घटनेची माहिती मिळताच अग्निशमन दल, मुंबई महानगर पालिकेचे आपत्ती व्यवस्थापन पथक तसेच ना.म.जोशी. मार्ग पोलिसानी घटनास्थळी धाव घेऊन जखमींना उपचारासाठी नायर रुग्णालय येथे आणले असता डॉक्टरांनी तपासून दोघांना मृत घोषित केले आहे. शब्बीर (२५)आणि इम्रान (२४)या दुर्घटनेत मृत झालेल्या दोघांची नावे असल्याचे समजते हे दोघे एका एक्स्पोर्ट कंपनीत नोकरी होती अशीही माहीत समोर येत आहे.