पश्चिम बंगालमधील रेशन वितरण घोटाळ्याप्रकरणी टीएमसीचे माजी बोनगाव नगरपालिकेचे अध्यक्ष शंकर आद्य यांना ईडीने अटक केली आहे. काल ईडीच्या पथकाने शंकर आद्य यांच्या सासरच्या घरी छापा टाकला होता.अटक करण्यात आलेले शंकर आद्य हे माजी अन्न मंत्री ज्योतिप्रिया मलिक यांच्या जवळचे मानले जातात.
बाणगाव नगरपालिकेचे माजी अध्यक्ष शंकर अध्या यांना पश्चिम बंगालच्या उत्तर २४ परगणा जिल्ह्यातील त्याच्याशी संबंधित जागेवर ईडीने शोध घेतल्यानंतर अटक केली. तपासादरम्यान तपास यंत्रणेच्या अधिकाऱ्यांना सहकार्य करूनही तिच्या पतीला अटक करण्यात आल्याचा दावा त्याची पत्नी ज्योत्स्ना अध्या यांनी केला.शंकर आध्ये यांना अटक करून घेऊन जात असताना स्थानिकांकडून निषेध करण्यात आला.
तपास एजन्सीच्या म्हणण्यानुसार, पश्चिम बंगालमधील लाभार्थ्यांसाठी असलेल्या सार्वजनिक वितरण प्रणाली (PDS) रेशनपैकी जवळपास ३० टक्के रेशन खुल्या बाजारात वळवण्यात आले होते. इंडिया टुडेच्या बातमीनुसार, तपासादरम्यान ईडीला रेशन वितरण घोटाळ्यात शंकर अध्या यांचा सहभाग आढळून आला. ज्योतिप्रियो मल्लिक यांनीही चौकशीदरम्यान शंकर अध्या यांचे नाव घेतले होते.या घोटाळ्या प्रकरणी शंकर अध्या यांना अटक करण्यात आल्याचे ईडीने म्हटले आहे.
हे ही वाचा:
दाऊदच्या स्थावर मालमत्तेची खरेदी केली दिल्लीच्या अभय श्रीवास्तव यांनी
भव्य राम मंदिरातील प्रत्येक मजल्याची उंची २०-२० फूट
जय श्रीराम : रामलल्लाच्या प्राणप्रतिष्ठेच्या दिवशी पोटी येऊदे ‘राम’
उत्तर कोरियाने दक्षिण कोरियावर २०० तोफगोळे डागले
दरम्यान, शुक्रवारी, ईडीचे अधिकारी दोन टीम मध्ये विभागून रेशन भ्रष्टाचार प्रकरणाची चौकशी करण्यासाठी निघाले.सकाळी ईडीचे एक पथक बाणगाव नगरपालिकेचे माजी सभापती शंकर आद्य यांच्या सासरच्या घरी पोहचेल.दुसरे पथक संदेशखळी येथील सरबेरिया येथील तृणमूल नेता शाहजहान शेख यांच्या घरी जात असताना शाहजहान शेख यांच्या समर्थकांच्या जमावाने ईडीच्या अधिकाऱ्यांवर हल्ला केला.हल्ल्यादरम्यान ईडी पथकाच्या वाहनांचीही तोडफोड करण्यात आली.
ईडीने आपल्या निवेदनात म्हटले आहे की, ८०० ते १००० लोकांच्या जमावाने ईडी अधिकाऱ्यांना घेराव घातला.अधिकाऱ्यांनी दावा केला की, हा जमाव अधिकाऱ्यांना मारण्याच्या हेतूने आला होता.तसेच जमावाने ईडी अधिकाऱ्यांचे लॅपटॉप आणि मोबाईल हिसकावून घेतले.अनेक अधिकाऱ्यांच्या पाकिटातील पैसेही चिरील गेले.यासह ईडी पथकाच्या वाहनांची देखील तोडफोड करण्यात आली होती.
