भारतीय कम्युनिस्ट पक्षाचे (मार्क्सवादी) सरचिटणीस सीताराम येचुरी यांनी राम लल्लाच्या प्राणप्रतिष्ठा किंवा अभिषेक समारंभाला उपस्थित न राहण्याचा निर्णय घेतला आहे. २२ जानेवारीला अयोध्येमध्ये हा सोहळा होणार आहे. भारतीय कम्युनिस्ट पक्षाचे डी. राजा यांना या कार्यक्रमासाठी आमंत्रित करण्यात आले आहे मात्र ते सुद्धा न येण्याही शक्यता आहे.
श्री रामजन्मभूमी तीर्थ क्षेत्र ट्रस्टचे अध्यक्ष नृपेंद्र मिश्रा यांनी त्यांना निमंत्रण दिले होते. काँग्रेस अध्यक्ष आणि राज्यसभा खासदार मल्लिकार्जुन खरगे, पक्षाच्या माजी अध्यक्षा आणि लोकसभा खासदार सोनिया गांधी आणि पक्षाचे कनिष्ठ सभागृहातील नेते अधीर रंजन चौधरी यांनाही या कार्यक्रमासाठी आमंत्रित करण्यात आले आहे.माजी पंतप्रधान डॉ.मनमोहन सिंग आणि एच. डी. देवेगौडा यांनाही निमंत्रण पाठवण्यात आले आहे. या ऐतिहासिक सोहळ्यासाठी माजी राष्ट्रपती प्रतिभा पाटील, रामनाथ कोविंद यांच्यासह सर्व राजकीय पक्षांच्या नेत्यांनाही आमंत्रित करण्यात आले आहे. सूत्रांनी दिलेल्या माहितीनुसार, आम आदमी पार्टीचे राष्ट्रीय संयोजक आणि दिल्लीचे मुख्यमंत्री अरविंद केजरीवाल आणि बहुजन समाज पक्षाच्या प्रमुख मायावती यांनाही निमंत्रण देण्यात आले आहे.
हेही वाचा..
काँग्रेस नेते सुनील केदारांची आमदारकी रद्द, पाच वर्षांच्या कारावासाची शिक्षा!
हिजाब बंदीवरून सिद्धरामय्या यांचा युटर्न
ठाण्यात आता तांबड्या पांढऱ्या रंगाचा ‘झेब्रा’
जम्मू-काश्मीर; नमाझ पढत असताना निवृत्त वरिष्ठ पोलिसाची दहशतवाद्यांकडून हत्या
अयोध्येत ८ हजार लोक येण्याची अपेक्षा असलेल्या अभिषेक सोहळ्यासाठी व्यापक तयारी सुरू आहे. या कार्यक्रमात पंतप्रधान नरेंद्र मोदी, उत्तर प्रदेशचे मुख्यमंत्री योगी आदित्यनाथ आणि राष्ट्रीय स्वयंसेवक संघाचे सरसंघचालक मोहन भागवत यांचा समावेश आहे.उपस्थितांमध्ये काशी विश्वनाथ आणि वैष्णो देवी, योगगुरू बाबा रामदेव, तिबेटचे आध्यात्मिक नेते दलाई लामा, सचिन तेंडुलकर आणि विराट कोहली यांसारखे क्रिकेटपटू तसेच घटनात्मक आणि धार्मिक संघटनांच्या प्रतिनिधींचा समावेश आहे. रजनीकांत, अमिताभ बच्चन, माधुरी दीक्षित, दीपिका चिखलिया आणि अरुण गोविल सारखे अभिनेते, मधुर भांडारकर सारखे चित्रपट दिग्दर्शक आणि मुकेश अंबानी आणि अनिल अंबानी सारखे उद्योगपती, प्रसिद्ध चित्रकार वासुदेव कामत आणि भारतीय अंतराळ संशोधन संस्थेचे (इस्रो) संचालक नीलेश देसाई यांनाही आमंत्रित केले आहे. .विश्व हिंदू परिषदेने या कार्यक्रमासाठी लालकृष्ण अडवाणी आणि मुरली मनोहर जोशी यांसारख्या भारतीय जनता पक्षाच्या दिग्गज नेत्यांशीही संपर्क साधला आहे त्यांनाही निमंत्रण दिले आहे.