भिवंडीत ठाकरेंना धक्का, माजी आमदार रुपेश म्हात्रे शिंदे गटात सामील!

विधानसभेच्या निवडणुकीपूर्वी उद्धव ठाकरेंना मोठा धक्का बसला आहे. भिवंडीतील संपर्कप्रमुख आणि माजी आमदार रूपेश म्हात्रे यांनी हजारो समर्थकांसह शिंदे गटाच्या शिवसेनेत प्रवेश केला आहे. रुपेश म्हात्रे यांच्यसोबत शिवसेना-यूबीटीचे काही अधिकारीही शिंदे गटात सामील झाले आहेत. रूपेश म्हात्रे यांना भिवंडीतून उमेदवारी न दिल्याने संताप होता. त्याचवेळी पक्षविरोधी वक्तव्य केल्याने शिवसेना-यूबीटीने त्यांची हकालपट्टी केली होती.

रुपेश म्हात्रे यांनी मुख्यमंत्री एकनाथ शिंदे यांच्या उपस्थितीत शिवसेनेत प्रवेश केला. ट्वीटरवर माहिती देताना मुख्यमंत्री शिंदे यांनी लिहिले की, “भिवंडी पूर्वचे माजी आमदार रुपेश म्हात्रे, त्यांच्या अनेक कार्यकर्त्यांसह काल शिवसेनेत जाहीरपणे प्रवेश केला. आम्ही त्यांचे पक्षात स्वागत केले आणि त्यांच्या सामाजिक आणि राजकीय भविष्यासाठी शुभेच्छा दिल्या.

हे ही वाचा : 

एकगठ्ठा मतांचा जुगाड, तरीही पवार, पटोले धास्तावलेत का?

हिंदू महिलेचे तुकडे करणाऱ्या गुलामुद्दीनला मुंबईत अटक

पालघरमधून चार कोटींचा मुद्देमाल जप्त

काँग्रेसने घोटाळे करण्यात स्वतःचेचं रेकॉर्ड्स मोडलेत

भिवंडी पूर्व जागेवर शिवसेनेकडून संतोष शेट्टी यांना तिकीट देण्यात आले आहे, तर इंडी आघाडीने समाजवादी पक्षाला ही जागा दिली आहे. येथून सपाचे रईस शेख उमेदवार आहेत. रूपेश म्हात्रे यांनी २०१० ची पोटनिवडणूक आणि २०१४ ची विधानसभा निवडणूक भिवंडी पूर्व मतदारसंघातून अविभाजित शिवसेनेच्या तिकिटावर जिंकली होती. २०१९ मध्ये रईस शेख विजयी झाले आणि ही जागा सपाकडे गेली. शिवसेनेने ज्यांना उमेदवारी दिली ते संतोष शेट्टी यापूर्वी भाजपमध्ये होते. २०१४ मध्ये त्यांचा रुपेश म्हात्रेकडून पराभव झाला होता.