क्रिकेटचे भगवान म्हणून ओळखले जाणारे सचिन तेंडुलकर आज त्यांचा ५२वा वाढदिवस साजरा करत आहेत. या खास दिवशी त्यांची लाडकी मुलगी सारा तेंडुलकरने एक अतिशय भावनिक आणि प्रेमळ संदेश देत त्यांना शुभेच्छा दिल्या. साराने तिच्या इंस्टाग्रामवर अनेक बालपणीच्या आठवणींच्या फोटोंसह एक मनाला भिडणारा मेसेज लिहिला.
साराच्या पोस्टमधील फोटो: पहिल्या फोटोत सारा खुर्चीवर बसलेली आहे आणि तिचे वडील सचिन तिच्या खांद्यावर हात ठेवून कॅमेऱ्यासाठी पोझ देत आहेत. दुसऱ्या काही फोटोंमध्ये सारा लहानपणी सचिनच्या खांद्यावर बसलेली दिसते. एक फोटो असा आहे ज्यामध्ये सचिन तिला मांडीवर घेतलेले आहेत – सारा खूपच गोंडस दिसतेय. शेवटच्या फोटोत सारा, तिचे वडील सचिन आणि भाऊ अर्जुन तिघेही एकत्र हसतमुख चेहऱ्याने कॅमेऱ्यात पाहताना दिसतात. चाहत्यांनी हे फोटो खूपच पसंत केले असून कमेंट्सद्वारे सचिनला वाढदिवसाच्या शुभेच्छा दिल्या आहेत.
हेही वाचा..
आरोग्यासाठी वरदान, कोथिंबिरीचे असंख्य फायदे
धर्म विचारून गोळ्या माराल तर हिंदू शांत बसणार नाही, विटेला दगडाने उत्तर देवू!
पहलगाम हल्ल्यातील दहशतवाद्यांची माहिती देणाऱ्याला २० लाखांचे बक्षीस
भारताची पाकिस्तानविरुद्ध आणखी एक कारवाई, पाकिस्तानचे ‘एक्स’ अकाउंट केले बंद!
साराचा भावनिक मेसेज: “एक असा व्यक्ती… ज्यांनी मला कधीच कुणाला घाबरायचं नाही तर सर्वांचा सन्मान करायचा आहे हे शिकवलं, अनेक दुखापतींनंतर देखील मला उचलून धरलं, माझ्या फोटोशूटमध्ये त्यांच्या विनोदी शैलीने रंग भरला आणि सगळ्यात महत्त्वाचं म्हणजे मला मजा करायला, भरभरून हसायला आणि आयुष्याचा आनंद घ्यायला शिकवलं – ते म्हणजे माझे बाबा… हॅप्पी बर्थडे बाबा!”
सचिन तेंडुलकर – अजूनही लाखोंचे आदर्श:
क्रिकेटमधून निवृत्त होऊन दशकभर झाला असला, तरी सचिन तेंडुलकर यांचे अनेक विक्रम अजूनही अभेद्य आहेत. त्यांनी आपल्या कारकिर्दीत १०० हून अधिक शतके ठोकली आणि एकूण मिळून ३६ हजारांच्या आसपास धावा केल्या. त्यांनी कधीच दारू किंवा तंबाखूच्या जाहिराती केल्या नाहीत आणि आजही ते देशातील लाखो तरुणांचे प्रेरणास्त्रोत आहेत.
