मशिदीच्या सर्वेक्षणादरम्यान उत्तर प्रदेशातील संभलमध्ये झालेल्या हिंसाचारानंतर जिल्हाधिकारी राजेंद्र पेन्सिया यांनी बुधवारी जाहीर केले की या प्रकरणी ३३ जणांना अटक करण्यात आली असून सुमारे ४०० पेक्षा जास्त जणांची ओळख पटली आहे. एएनआयशी बोलताना डीएम पेन्सिया यांनी लोकांना १० डिसेंबरपर्यंत या भागात जाण्याचे टाळण्याचे आवाहन केले.
आतापर्यंत ३३ जणांना तुरुंगात पाठवण्यात आले आहे. संभळमध्ये सुरक्षा व्यवस्था कायम असून संपूर्ण दक्षता ठेवण्यात आली आहे. ४०० हून अधिक लोकांची ओळख पटली आहे. आम्ही सर्वांना विनंती केली आहे की, परिस्थितीच्या संवेदनशीलतेमुळे १० डिसेंबरपर्यंत भेट देणे टाळावे, असे ते म्हणाले. संभलचे पोलीस अधीक्षक के. के. बिश्नोई यांनी आश्वासन दिले की, सध्या परिसरातील परिस्थिती शांततापूर्ण आहे. घटना घडल्यापासून प्रशासन आणि पोलिसांनी शांतता राखण्यासाठी परिश्रम घेतले आहेत. सध्या पीएसी आणि आरएएफच्या १० कंपन्या दैनंदिन गस्तीसाठी आणि महत्त्वाच्या ठिकाणी शांतता सुनिश्चित करण्यासाठी तैनात आहेत.
हेही वाचा..
देवेंद्र ०३; फडणवीसांचा नाद करायचा नाय…
मुख्यमंत्रीपद, उपमुख्यमंत्रीपद तांत्रिक, आम्ही एकत्र निर्णय घेऊ!
महायुतीच्या नेत्यांकडून राज्यपालांकडे सत्ता स्थापनेचा दावा!
जम्मू- काश्मीरच्या पुंछ जिल्ह्यात लष्करी चौकीवर ग्रेनेड हल्ला
भारतीय नागरिक सुरक्षा संहितेच्या कलम १६३ अन्वये जिल्हा दंडाधिकाऱ्यांच्या आदेशानुसार, आम्ही लोकप्रतिनिधींना १० डिसेंबरपर्यंत शांतता राखण्यासाठी सहकार्य करण्याचे आवाहन करतो. त्या तारखेनंतर परिस्थिती पूर्ववत झाली आहे की नाही हे ठरवण्यासाठी परिस्थितीचा आढावा घेतला जाईल, आणि त्यानुसार पुढील निर्णय घेतले जातील, असे एसपी बिश्नोई म्हणाले.
याआधी आज वायनाडचे खासदार राहुल गांधी, प्रियांका गांधी आणि इतर काँग्रेस नेत्यांना हिंसाचारग्रस्त संभलला भेट देण्याचा प्रयत्न करत असताना पोलिसांनी गाझीपूर सीमेवर त्यांना रोखले. त्यानंतर शिष्टमंडळ दिल्लीला परतले. गाझीपूर सीमेवरील प्रवाशांनी बुधवारी राहुल गांधींच्या विरोधात घोषणाबाजी केली कारण संभलच्या भेटीशी संबंधित बॅरिकेड्समुळे वाहतूक मंदावली होती. दिल्ली-मेरठ एक्स्प्रेस वेवर काँग्रेस कार्यकर्ते आणि प्रवाशांमध्ये हाणामारीही झाली, त्यामुळे मोठ्या प्रमाणात वाहतूक कोंडी झाली.
दरम्यान राहुल गांधींनी त्यांचा ताफा सोडून पोलिसांच्या देखरेखीखाली एकट्याने संभळला जाण्याची तयारी दर्शवली. तथापि, अधिका-यांनी त्यांना काही दिवसांनी परत येण्याचा सल्ला दिला, हे पाऊल असंवैधानिक आणि विरोधी पक्षनेत्याच्या अधिकारांचे उल्लंघन असल्याची टीका त्यांनी केली. आम्ही संभळला जाण्याचा प्रयत्न करत आहोत, पण पोलीस परवानगी देत नाहीत. विरोधी पक्षनेता या नात्याने मला भेट देण्याचा अधिकार आहे, पण ते मला रोखत आहेत. मी एकटा किंवा पोलिसांच्या ताब्यात जायला तयार आहे, पण त्यांनी नकार दिला. त्यांनी आम्हाला काही दिवसांनी परत यायला सांगितले. हे विरोधी पक्षनेते आणि संविधानाच्या अधिकारांचे उल्लंघन आहे. आम्हाला फक्त संभळला भेट द्यायची आहे, लोकांना भेटायचे आहे आणि काय झाले ते पाहायचे आहे. माझा घटनात्मक अधिकार नाकारला जात आहे. हा नवा भारत आहे – राज्यघटनेला झुगारून देणारा आणि आंबेडकरांचा वारसा नष्ट करणारा देश. आम्ही लढत राहू, असे राहुल गांधी म्हणाले.