प्रशांत कारूळकर
ऑगस्ट महिन्यात मुंबईत रिअल इस्टेट मार्केटमध्ये मालमत्ता नोंदणीचे एकूण मूल्य १०,३७२ कोटी रुपये होते, जे मागील महिन्याच्या तुलनेत १२ % हून अधिक आहे. मुंबईतील मालमत्तेची ऑगस्ट २०२३ तील सरासरी किंमत ९.९ लाख रुपये प्रति चौरस फूट आहे, जी जुलै २०२३ च्या तुलनेत २% जास्त आहे.
मुंबई रिअल इस्टेटच्या मजबूत कामगिरीचे श्रेय अनेक घटकांना दिले जाते:
▪️ शहराची सतत होत असलेली आर्थिक वाढ, जी नवीन व्यवसाय आणि नोकऱ्यांना आकर्षित करत आहे.
▪️ मध्यमवर्गीयांचे उत्पन्न वाढल्याने, घराची मालकी अधिक परवडणारी आहे.
▪️ सरकारच्या विकास धोरणांतर्गत शहरात दळणवळण आणि इतर सुविधांमध्ये वाढ होत आहे.
▪️कमी व्याजदरामुळे घर खरेदी करण्यासाठी लोन घेणे चांगला पर्याय ठरतो आहे.
हे ही वाचा:
भारतात होणाऱ्या जी- २० परिषदेत शी जिनपिंग यांची अनुपस्थिती म्हणजे पळवाट?
पहाड खोदून लोगो सुद्धा काढता आला नाही हो यांना…
शिवसेनेची काँग्रेस होऊ देणार नाही…मुंबईत लागले पोस्टर्स
शेवटपर्यंत मातीशी एकनिष्ठ राहणार
मुंबईतील रिअल इस्टेट मार्केटमध्ये नजीकच्या काळात वाढीची अपेक्षा असताना, काही तज्ज्ञांच्या मते वर्षाच्या दुसऱ्या सहामाहीत वाढती महागाई आणि व्याजदर यामुळे विकासाचा वेग मंदावू शकतो. तथापि, मुंबई रिअल इस्टेट मार्केटची दीर्घकालीन वाढ चांगली असून, पुढील वर्षांमध्ये बाजारपेठ अधिक उंची गाठण्याची शक्यता आहे, असा त्यांचा विश्वास आहे.
▪️ऑगस्‍टमध्‍ये सर्वाधिक नोंदणी अपार्टमेंटस् साठी करण्यात आली, त्यानंतर व्हिला आणि डुप्लेक्‍ससाठी झाली.
▪️मुंबईची पश्चिम उपनगरे, वांद्रे, अंधेरी आणि बोरिवली, ही मालमत्ता नोंदणीच्या बाबतीत सर्वात सक्रिय क्षेत्रे ठरली.
▪️बजेट विभागामध्ये (50 लाख रुपयांच्या खाली मालमत्तेच्या किमतीत) बहुतांश नोंदणी झाली.
एकूणच, मुंबईतील रिअल इस्टेट मार्केटची स्थिती वाढता वाढता वाढे अशी आहे. तरीही, ग्राहकांनी रिअल इस्टेटमध्ये गुंतवणुक करताना असलेल्या जोखमींबद्दल जागरूक राहून खरेदी करावी.