पोप फ्रान्सिस यांचे सोमवार सकाळी निधन झाले. त्यांचे निधन वेटिकनमधील कासा सांता मार्ता येथील त्यांच्या निवासस्थानी झाले. वेटिकन कॅमरलेन्गो कार्डिनल केविन फेरेल यांनी सांगितले, “सोमवार सकाळी ७:३५ वाजता रोमचे बिशप फ्रान्सिस पित्याच्या घरी परतले. त्यांचे संपूर्ण आयुष्य प्रभू आणि त्यांच्या चर्चच्या सेवेसाठी समर्पित होते.” त्यांनी असेही सांगितले की पोप फ्रान्सिस यांनी मूल्यं, धैर्य आणि सार्वत्रिक प्रेमाने जगणे शिकवले, विशेषतः गरीब व उपेक्षितांसाठी.
पोप फ्रान्सिस ८८ वर्षांचे होते आणि त्यांच्या १२ वर्षांच्या पोपपदाच्या कार्यकाळात त्यांनी अनेक आजारांचा सामना केला होता. त्यांना फुफ्फुसाच्या जुन्या आजाराने त्रस्त होते. त्यांच्या तरुणपणीच त्यांच्या एका फुफ्फुसाचा भाग काढण्यात आला होता. १४ फेब्रुवारी २०२५ रोजी त्यांना श्वास घेण्यास त्रास झाल्यामुळे रुग्णालयात दाखल करण्यात आले, आणि त्यानंतर त्यांना डबल निमोनिया झाला. त्यांनी ३८ दिवस रुग्णालयात उपचार घेतले.
हेही वाचा..
न्यायाधीशांना जाब विचारणारा इंदिरा गांधींचा जुना व्हीडिओ व्हायरल
१८० अधिकाऱ्यांपैकी ४१ टक्के महिला
अनुराग कश्यपच्या वादग्रस्त वक्तव्यावर पायल घोष भडकल्या
बंगालमध्ये राष्ट्रपती राजवट लागू करण्याच्या मागणीवर न्यायमूर्ती गवई काय म्हणाले ?
त्यांच्या निधनाच्या आदल्या दिवशी म्हणजेच ईस्टर संडे ला, पोप फ्रान्सिस यांनी विचारस्वातंत्र्य आणि सहिष्णुतेचा संदेश दिला. बेसिलिकाच्या बाल्कनीवरून ३५,००० हून अधिक लोकांना त्यांनी ईस्टरच्या शुभेच्छा दिल्या. त्यांच्या पारंपरिक “उर्बी एट ओर्बी” (शहर आणि जगासाठी) आशीर्वादाचे वाचन त्यांनी त्यांच्या एका सहकाऱ्याकडून करून घेतले. आपल्या भाषणात त्यांनी सांगितले की, “धर्मस्वातंत्र्य, विचारस्वातंत्र्य, अभिव्यक्ती स्वातंत्र्य आणि इतरांच्या विचारांचा सन्मान नसेल तर खऱ्या अर्थाने शांतता शक्य नाही.” त्यांनी ज्यू विरोधी मानसिकतेवर चिंता व्यक्त केली तसेच गाझामधील “नाट्यमय आणि निषेधार्ह” परिस्थितीची तीव्र निंदा केली.
