जम्मू आणि काश्मीरमधील सुरक्षा दलांनी मंगळवारी (२२ ऑक्टोबर) लष्कर-ए-तैयबा (एलईटी) या प्रतिबंधित संघटनेची शाखा मानल्या जाणाऱ्या नवीन दहशतवादी संघटनेचा पर्दाफाश केला, असे अधिकाऱ्यांनी सांगितले.
जम्मू आणि काश्मीर पोलिसांच्या काउंटर-इंटेलिजन्स विंग (CIK) ने श्रीनगर, गांदरबल, बांदीपोरा, कुलगाम, बडगाम, अनंतनाग आणि पुलवामा यासह अनेक जिल्ह्यांमध्ये छापे टाकून मोठी कारवाई केली, असे अधिकाऱ्यांनी सांगितले.
पोलिसांच्या म्हणण्यानुसार, त्यांनी ‘तेहरिक लबैक या मुस्लिम’ (TLM) नावाची संघटना उद्ध्वस्त केली, जी पाकिस्तानस्थित लष्कर-ए-तैयबा (LeT) ची शाखा असल्याचे मानले जाते. ही संघटना ‘बाबा हमास’ या नावाने ओळखल्या जाणाऱ्या पाकिस्तानी दहशतवादी हँडलरद्वारे चालवली जात असल्याचे अधिकाऱ्यांनी सांगितले. छापे अजूनही सुरू आहेत आणि अधिक तपशीलांची प्रतीक्षा आहे, असे अधिकारी म्हणाले.
रविवारी संध्याकाळी गांदरबल जिल्ह्यातील सोनमर्ग भागात एका बांधकाम साइटवर दहशतवाद्यांनी केलेल्या गोळीबारात एक डॉक्टर आणि सहा स्थलांतरित कामगारांचा मृत्यू झाल्याची घटना घडली होती. या हल्ल्याची जबाबदारी पाकिस्तानस्थित दहशतवादी संघटना लष्कर-ए-तोयबाच्या रेझिस्टन्स फ्रंट (TRF) या शाखेने घेतली. यानंतर सुरक्षा दलांकडून दहशतवादविरोधी कारवाईला सुरुवात झाली आहे.
हे ही वाचा :
रशियन सैन्यात सहभागी असलेल्या ८५ भारतीयांची सुटका
पुतीन यांच्याशी मोदींची पुन्हा भेट; रशियाच्या दौऱ्यावर रवाना
विधानसभा निवडणुकीत कालिदास कोळंबकर यांच्यासमोर पोलिस
‘आंदोलकांनो अंतरवाली सराटीत येऊ नका, मला उमेदवार ठरवू द्या!
इंडिया टुडेच्या बातमीनुसार, सुरक्षा दलांनी दिलेल्या माहितीनुसार, श्रीनगरचा रहिवासी असलेला टीआरएफ प्रमुख शेख सज्जाद गुल हा हल्ल्याचा मास्टरमाईंड आहे. सूत्रांनी सांगितले की, हा गट काश्मिरी आणि गैर-काश्मिरी लोकांना दीर्घकाळ लक्ष्य करत आहे. २०२२ मध्ये, एनआयएने गुल आणि इतर तिघांची माहिती देणाऱ्यास प्रत्येकी १० लाख रुपयांचे बक्षीस जाहीर केले आहे.
