अंमलबजावणी संचालनालयाने (ईडी) नोकरीच्या प्रकरणात लालू यादव यांच्या कुटुंबाशी संबंधित असलेली ६ कोटी रुपयांची मालमत्ता जप्त केली आहे.सोमवारी अंमलबजावणी संचालनालयाने (ईडी) नोकरी घोटाळ्याच्या कथित जमिनीच्या चौकशीत RJD प्रमुख लालू यादव यांच्या कुटुंबाशी संबंधित असलेली ६ कोटी रुपयांची मालमत्ता जप्त केली. २००४ ते २००९ दरम्यान केंद्रीय रेल्वे मंत्री लालू यादव होते.भारतीय रेल्वेमध्ये विविध व्यक्तींची नियुक्ती करण्यासाठी संबंधित व्यक्तींनी त्यांची जमीन यादव यांच्या कुटुंबियांना हस्तांतरित केली होती,तेव्हाचे हे प्रकरण आहे.
कथित घोटाळ्याशी संबंधित मनी लाँड्रिंग प्रकरणात ईडीने १८ मे रोजी बिहारचे माजी मुख्यमंत्री आणि लालू यादव यांच्या पत्नी राबडी देवी यांची सुमारे पाच तास चौकशी केली होती . तसेच बिहारचे उपमुख्यमंत्री तेजस्वी यादव, आरजेडी खासदार मीसा भारती, चंदा यादव आणि रागिणी यादव यांच्यासह यादव कुटुंबातील इतर सदस्यांचीही गेल्या काही महिन्यांपासून या प्रकरणात चौकशी करण्यात आली आहे.जुलैमध्ये, केंद्रीय अन्वेषण ब्युरो (CBI) ने लालू यादव, त्यांचा मुलगा आणि पत्नीसह १८ जणांविरुद्ध या प्रकरणात दुसरे आरोपपत्र दाखल केले . या प्रकरणात तपास यंत्रणेने १८ मे २०२२ रोजी लालू यादव आणि त्यांची पत्नी, दोन मुली आणि अज्ञात लोकसेवकांसह इतर १५ जणांविरुद्ध प्रथम आरोपपत्र दाखल केले होते.
हे ही वाचा:
पुण्यातून पकडलेल्या संशयित दहशतवाद्यांकडून ५०० जीबी डेटा, ड्रोन फुटेज जप्त
वनडे वर्ल्डकपची भारत-पाकिस्तान झुंज १४ ऑक्टोबरला
आरपीएफ जवानाने जयपूर मुंबई एक्स्प्रेसमध्ये अधिकाऱ्यासह चार जणांना घातली गोळी
‘फक्त शाकाहारी’ वरून बॉम्बे आयआयटीत गोंधळ !
सीबीआयने आपल्या तक्रारीत म्हटले आहे की २००४ ते २००९ दरम्यान भारतीय रेल्वेच्या विविध झोनमध्ये ग्रुप डी पदांवर अनेक लोकांची नियुक्ती करण्यात आली होती आणि नोकऱ्यांच्या बदल्यात त्या लोकांनी आपली जमीन प्रसादच्या कुटुंबीयांना हस्तांतरित केली होती. सीबीआयने असा आरोप केला आहे की, नियुक्तीसाठी कोणतीही जाहिरात किंवा सार्वजनिक सूचना जारी करण्यात आलेली नाही परंतु पटनामधील काही रहिवाशांना मुंबई, जबलपूर, कोलकाता, जयपूर आणि हाजीपूर येथे असलेल्या वेगवेगळ्या विभागीय रेल्वेमध्ये पर्याय म्हणून नियुक्त करण्यात आले होते.
ईडीने केलेल्या कारवाईत जप्त करण्यात आलेल्या संपत्तीमध्ये लालू यादव कुटुंबीयांच्या दिल्ली आणि पाटणा येथील मालमत्तांचा समावेश आहे, ज्यात न्यू फ्रेंड्स कॉलनीतील निवासी घराचा समावेश आहे.एजन्सीने मालमत्ता जप्त करण्यासाठी मनी लाँडरिंग प्रतिबंध कायदा (पीएमएलए) अंतर्गत तात्पुरता आदेश जारी केला आहे, असे ते म्हणाले.मालमत्तेची संख्या आणि त्यांची नेमकी किंमत लगेच कळू शकली नाही.