इंडियन प्रीमियर लीग २०२४ चा लिलाव काही दिवसात होणार आहे आणि त्याआधी एक मोठी बातमी समोर आली आहे. मुंबई इंडियन्सने रोहित शर्माला कर्णधारपदावरून हटवून हार्दिक पंड्याला कर्णधार बनवले आहे. काही दिवसांपूर्वी हार्दिक पंड्याने गुजरात टायटन्स सोडून मुंबई इंडियन्समध्ये परतण्याचा निर्णय घेतला होता आणि तेव्हापासून ही अपेक्षा व्यक्त केली जात होती.
याची अधिकृत घोषणाही मुंबई इंडियन्सने केली आहे. आयपीएल २०२४ मध्ये अष्टपैलू हार्दिक पंड्याला संघाचा कर्णधार बनवण्यात आले असून संक्रमणाचा टप्पा सुरू झाला आहे, असे विधान संघाकडून करण्यात आले आहे. हार्दिक पंड्या मुंबई इंडियन्सचा सर्वात यशस्वी कर्णधार रोहित शर्माची जागा घेणार आहे.
मुंबई इंडियन्सचे ग्लोबल हेड ऑफ परफॉर्मन्स महेला जयवर्धने म्हणाले की, कर्णधार म्हणून रोहित शर्माच्या चमकदार कारकिर्दीबद्दल आम्ही आभारी आहोत आणि ही एक प्रक्रिया आहे ज्या अंतर्गत आता हार्दिकला कर्णधार बनवण्यात आले आहे. मुंबई इंडियन्सकडे सचिनपासून हरभजनपर्यंत आणि रिकीपासून रोहितपर्यंतचे लीडर्स आले होते आणि आता हार्दिक पंड्याची वेळ आहे.
हे ही वाचा:
लसूण चोरीच्या संशयावरून एकाची हत्या, बोरिवलीत खळबळ
एसआरए सदनिका पाच वर्षांनी विकण्याचा मार्ग मोकळा होणार?
महिला न्यायाधीशाची मुख्य न्यायाधीश चंद्रचूडांकडे इच्छामरणाची मागणी!
धोनीच्या ७ क्रमांकाच्या जर्सीने ‘पाठ’ सोडली!
रोहित शर्मा २०१३ पासून मुंबई इंडियन्सचे नेतृत्व करत होता आणि गेल्या १० वर्षात तो आयपीएल इतिहासातील सर्वात यशस्वी कर्णधारांपैकी एक मानला जात होता. पण एकदिवसीय विश्वचषक २०२३ मधील पराभवानंतर रोहित यावेळी आयपीएलमध्ये मोठा निर्णय घेईल अशी शंका व्यक्त केली जात होती.
रोहितच्या नेतृत्वाखाली मुंबईने विक्रम केले
जर आपण आयपीएलमधील रोहित शर्माच्या कर्णधारपदाच्या विक्रमाबद्दल बोललो, तर त्याने १५८ सामन्यांमध्ये कर्णधारपद भूषवले आहे, ज्यापैकी त्याने ८७ सामने जिंकले आहेत, तर ६७ सामने गमावले आहेत. रोहित शर्माची विजयाची टक्केवारी ५५.०६ आहे. विशेष बाब म्हणजे रोहित शर्माच्या नेतृत्वाखाली मुंबई इंडियन्सने २०१३, २०१५, २०१७, २०१९ आणि २०२० मध्ये पाच आयपीएल जेतेपदे जिंकली आहेत.२०१३ मध्ये जेव्हा मुंबई इंडियन्स संघ रिकी पाँटिंगच्या नेतृत्वाखाली संघर्ष करत होता तेव्हा रोहित शर्माकडे कर्णधारपद सोपवण्यात आले होते. तेव्हापासून रोहित शर्मा सातत्याने मुंबई इंडियन्सचे कर्णधारपद सांभाळत होता.मात्र, आता मुंबई इंडियन्सचा कर्णधार म्हणून रोहित शर्माच्या जागी हार्दिक पंड्याची निवड करण्यात आली आहे.