हिमाचल प्रदेशातील लेपचा येथे पंतप्रधान नरेंद्र मोदी यांनी यंदाची दिवाळी सैनिकांसोबत साजरी केली . तेथे सैनिकांना संबोधित करताना पीएम मोदी म्हणाले, “आपले सैन्य जोपर्यंत हिमालयाप्रमाणे आपल्या सीमेवर खंबीरपणे उभे आहेत तोपर्यंत भारत सुरक्षित आहे.”पंतप्रधान नरेंद्र मोदी दिवाळी साजरी करण्यासाठी हिमाचल प्रदेशातील लेपचा येथे पोहचले तेव्हा ते बोलत होते.तसेच पंतप्रधान नरेंद्र मोदींनी जवानांना मिठाई खाऊ घालून दिवाळी साजरी केली.
जगभरातील संघर्षांदरम्यान सीमा सुरक्षित करण्यासाठी लष्कराच्या भूमिकेचे पंतप्रधानांनी कौतुक केले.पंतप्रधान मोदी म्हणाले की, “जगातील आजची परिस्थिती पाहता भारताकडून सातत्याने अपेक्षा वाढत आहेत. अशा परिस्थितीत भारताच्या सीमा सुरक्षित राहणे गरजेचे आहे. आम्ही देशात शांततेचे वातावरण निर्माण करत आहोत आणि यामध्ये तुमचा मोठा वाटा आहे,” मोदींनी सैन्याला सांगितले.ते पुढे म्हणाले की, भारताच्या लष्कर आणि सुरक्षा दलांनी राष्ट्र उभारणीत सातत्याने योगदान दिले आहे.
गेल्या ३० ते ३५ वर्षांपासून आपण दिवाळीचा सण हा लष्करी जवानांसोबत घालवत असल्याचं पंतप्रधान नरेंद्र मोदी यांनी सांगितलं. गुजरातचे मुख्यमंत्री किंवा पंतप्रधान होण्यापूर्वीपासून ही परंपरा चालू असल्याचे ते म्हणाले.दिवाळीच्या सणाला कुटुंबापासून लांब राहिलेल्या जवानांचे कौतुक करते म्हणाले, “जेथे कुटुंब आहे तिथेच सण साजरा केला जातो, असे म्हटले जाते, परंतु आज तुम्ही सर्वजण कुटुंबापासून दूर असताना सीमेवर तैनात आहात, हे यावरून दिसून येते. तुमच्यात उत्साह कमी असण्याचे लक्षण नाही, मोदी पुढे म्हणाले.
हेही वाचा..
उत्तराखंडमध्ये निर्माणाआधीच बोगदा कोसळला, ३६ जण अडकल्याची भीती!
संयुक्त राष्ट्रांत पहिल्यांदाच भारताचे इस्रायलविरोधात मत!
आयसीसचे काम केल्याप्रकरणी अलिगढ विद्यापीठाच्या सहा जणांना अटक!
मथुरात फटाका मार्केट पेटले, नऊ जण जखमी!
ते पुढे म्हणाले की, माझ्यासाठी आमचे सैन्य ज्या ठिकाणी तैनात आहे ते मंदिरापेक्षा कमी नाही.संरक्षण क्षेत्रात भारत आता “जागतिक खेळाडू” म्हणून उदयास येत आहे आणि केवळ देशाच्या संरक्षण गरजाच नाही तर मित्र देशांच्या गरजाही पूर्ण होत आहेत, असे पंतप्रधान मोदी म्हणाले. ते पुढे म्हणाले की २०१६ मध्ये दिवाळी आणि या वर्षी भारताच्या संरक्षण निर्यातीत आठ पटीने वाढ झाली आहे आणि देशांतर्गत संरक्षण उत्पादन आता १ लाख कोटी रुपये इतके झाले आहे.
आमच्या जवानांना नेहमीच या शूर वसुंधराचा वारसा आहे, त्यांच्या छातीत ती आग आहे ज्याने नेहमीच शौर्याचे उदाहरण निर्माण केले आहे. आपले सैनिक जीव धोक्यात घालून नेहमीच आघाडीवर राहिले आहेत. सीमेवरील देशाची सर्वात मजबूत भिंत असल्याचे आपल्या सैनिकांनी नेहमीच सिद्ध केले आहे, पंतप्रधान नरेंद्र मोदी म्हणाले.
