कोलकात्याच्या आरजी कार मेडिकल कॉलेज आणि हॉस्पिटलमध्ये एका ३१ वर्षीय महिला प्रशिक्षणार्थी डॉक्टरवर झालेल्या बलात्कार आणि हत्येच्या निषेधार्थ पश्चिम बंगालच्या मुख्यमंत्री ममता बॅनर्जी यांनी सोमवारी पोलिसांनाच इशारा दिला आहे. या प्रकरणाचा लवकर छडा लावा अन्यथा प्रकरण सीबीआयकडे सोपवले जाईल, असे त्या म्हणाल्या.
या घटनेबद्दल बोलताना हा प्रकार अत्यंत धक्कादायक आणि वेदनादायक आहे असे त्या म्हणाल्या. पीडितेच्या पालकांनी आरोप केला आहे की मुख्य आरोपींव्यतिरिक्त गुन्ह्यात एक आतील व्यक्ती देखील सामील आहे. आपण पोलिसांना सांगितले आहे की कोणावरही अशी शंका असल्यास पीडितेचे मित्र आणि इतर – त्यांची चौकशी केली पाहिजे. या प्रकरणाच्या तपासासाठी आम्ही श्वान पथक, व्हिडिओ विभाग आणि फॉरेन्सिक विभाग तैनात केला आहे. जर रविवारपर्यंत कोलकाता पोलिस या प्रकरणाची उकल करू शकले नाहीत तर आम्ही ते सीबीआयकडे हस्तांतरित करू, असेही त्यांनी सांगितले.
हेही वाचा..
नवी मुंबईतून पाच बंगलादेशींना अटक
वनविभागाच्या जमिनीवर बेकादेशीर चर्च, धर्मांतराच्या तक्रारीनंतर बुलडोझरची कारवाई !
महाराष्ट्राच्या विकासासाठी थिंक टॅंक म्हणून ‘मित्र’ कार्यरत
आनंद रंगनाथन, जे.साईदीपक, अमिश त्रिपाठींनी सरकारला लिहिले पत्र; बांगलादेशात हिंदूंवर अत्याचार!
ममता म्हणाल्या ही अत्यंत क्लेशदायक घटना आहे. या प्रकरणात जो कोणी सामील आहे त्याला ताबडतोब शिक्षा व्हायला हवी. हे प्रकरण जलदगतीने चालवावे अशी आमची इच्छा आहे. कारण मग न्यायालयीन प्रक्रिया जलद होईल. परिचारिकांची उपस्थिती असतानाही ही घटना घडल्याने मला धक्का बसला.
मी पोलिसांना सांगितले आहे की पीडितेच्या पालकांनी असेही म्हटले आहे की आतून कोणीतरी सामील आहे. आम्ही प्राचार्य, विभागप्रमुख, वैद्यकीय अधीक्षक आणि उपप्राचार्य आणि एएसपी यांना या रुग्णालयातून काढून टाकले आहे, असे त्या म्हणाल्या. ९ ऑगस्ट रोजी प्रशिक्षणार्थी डॉक्टरला आरजी कार मेडिकल कॉलेज आणि हॉस्पिटलमधील सेमिनार हॉलमध्ये तिच्या शरीरावर जखमांच्या खुणा आढळून आल्या. शवविच्छेदनाने नंतर पुष्टी केली की खून करण्यापूर्वी तिच्यावर बलात्कार झाला होता. नागरी स्वयंसेवक असलेल्या संजय रॉय या आरोपीला १० ऑगस्ट (शनिवार) रोजी अटक करण्यात आली असून त्याला १४ दिवसांची पोलीस कोठडी सुनावण्यात आली आहे.
नागरी स्वयंसेवक अधिकृतपणे आरजी कार मेडिकल कॉलेज आणि हॉस्पिटलशी संबंधित नव्हते. परंतु, ते वारंवार परिसरात येत होते. या घटनाक्रमात या प्रकरणाची सीबीआय चौकशी व्हावी यासाठी कलकत्ता उच्च न्यायालयात चार याचिका दाखल करण्यात आल्या. मंगळवारी (१३ ऑगस्ट) न्यायालयात या प्रकरणाची सुनावणी होणार आहे.
तत्पूर्वी, बॅनर्जी म्हणाल्या, आरोपींना गरज भासल्यास फाशीची शिक्षा दिली जाईल आणि पीडित कुटुंबाला जलद न्याय मिळावा यासाठी खटला जलदगती न्यायालयात निर्देशित करण्याची गरज आहे. कोलकाता डॉक्टरच्या बलात्कार आणि हत्येच्या निषेधार्थ हजारो डॉक्टर आणि पदव्युत्तर विद्यार्थ्यांनी देशभरात संप पुकारला आहे. दिल्लीच्या एम्सच्या निवासी डॉक्टर्स असोसिएशनच्या (आरडीए) सदस्यांनी हे प्रकरण सीबीआयकडे चौकशीसाठी सोपवण्याची गरज, दोषींवर कठोर कारवाई आणि पीडितेच्या कुटुंबाला पुरेशी भरपाई यासह सहा मागण्या मांडल्या.