हरियाणा: २५ कोटी रुपयांचे हेरॉइन जप्त, पाकिस्तानी चलनासह २ तस्करांना अटक!

सिरसा पोलिस अधीक्षक विक्रांत भूषण म्हणाले, सिरसा पोलिसांनी केलेली ही आतापर्यंतची सर्वात मोठी कारवाई आहे आणि यामध्ये सहभागी असलेल्या कोणालाही सोडले जाणार नाही. सध्या पोलिस या प्रकरणाचा तपास करत आहेत. ते पुढे म्हणाले, सीआयए एलेनाबाद पोलिसांचे उपनिरीक्षक जगदीश चंद्र यांच्या नेतृत्वाखालील पोलिस पथक गस्त घालत असताना सिरसा शहरातील चतरगढ पट्टी परिसरात उपस्थित होते.

हे ही वाचा : 

दरम्यान, समोरून केआयए कारमधून दोन तरुण आले आणि पोलिस पथकाला पाहून ते घटनास्थळावरून पळून जाण्याचा प्रयत्न करत होते. संशयाच्या आधारे पोलिस पथकाने दोन्ही तरुणांना पकडले आणि अधिकाऱ्यांच्या उपस्थितीत त्यांची झडती घेतली असता त्यांच्या ताब्यातून सुमारे २५ कोटी रुपये किमतीचे ४ किलो २५६ ग्रॅम हेरॉइन जप्त करण्यात आले. या प्रकरणी त्यांची पुढील चौकशी सुरु आहे.

ते पुढे म्हणाले, अटक केलेल्या तरुणांनी सुरुवातीच्या चौकशीत सांगितले आहे की त्यांनी हे हेरॉइन पंजाबमधून खरेदी केले होते आणि ते सिरसा आणि त्याच्या आसपासच्या भागात पुरवले जाणार होते. तपासादरम्यान हेरॉइनसोबत काही पाकिस्तानी चलनही सापडले आहे. त्यामुळे पाकिस्तानशी संबंध असण्याची शक्यता नाकारता येत नाही. या प्रकरणाची गांभीर्याने चौकशी केली जात आहे. तसेच अटक केलेल्या दोन्ही आरोपींच्या गुन्हेगारी रेकॉर्डची चौकशी सुरू असल्याचे त्यांनी सांगितले.