कधीकाळी जगभरातील सर्वाधिक श्रीमंत व्यक्ती राहिलेले एलन मस्क अब्जाधीशांच्या यादीत पुन्हा तिसऱ्या क्रमांकावर पोहोचले आहेत. शुक्रवारी मेटाच्या सीईओ मार्क झुकेरबर्ग यांना त्यांनी चौथ्या क्रमांकावर ढकलले. तर, ११व्या स्थानी मुकेश अंबानी यांनी आणखी मजबूत पकड मिळवली असून १४व्या स्थानावरच्या गौतम अदानी यांची परिस्थिती थोडी बिकट झाली आहे.
ब्लूमबर्ग बिलेनिअर इंडेक्समध्ये फ्रान्सचे बर्नार्ड अरनॉल्ट पहिल्या १०मधील अमेरिकेच्या नऊ अब्जाधीशांना भारी पडले आहेत. ते जगभरातील सर्वांत श्रीमंत व्यक्ती आहेत आणि त्यांच्याजवळ २२६ अब्ज डॉलरची संपत्ती आहे. या वर्षी त्यांनी १८.४ अब्ज डॉलरची कमाई केली. दुसऱ्या क्रमांकावर एमेझॉनचे माजी सीईओ जेफ बेझोस आहेत. या वर्षी ३०.६० अब्ज डॉलरची कमाई करणाऱ्या बेजोस यांच्या जवळ २०७ अब्ज डॉलरची संपत्ती आहे.
हे ही वाचा:
हिंदू तरुणाला इस्लाम धर्म स्वीकारून कलमा वाचायला लावला!
निमिष मुळे, झारा बक्षी सर्वोत्तम जलतरणपटू
‘मी गोमांस खात नाही…गर्व आहे मला हिंदू असल्याचा’!
एलन मस्क पुन्हा तिसऱ्या स्थानी आहेत. सोमवारी त्यांच्या संपत्तीत ५.७८ अब्ज डॉलरची वाढ झाली. तर, मार्क झुकरबर्ग यांच्या संपत्तीत २.७७ अब्ज डॉलरची घट झाली. त्यामुळे १८६ अब्ज डॉलर संपत्तीसह मस्क पुन्हा तिसऱ्या स्थानी विराजमान झाले. मार्क झुकरबर्ग १८४ अब्ज डॉलर संपत्तीसह चौथ्या स्थानी गेले. या वर्षी झुकरबर्गच्या संपत्तीत ५६.१ अब्ज डॉलरची वाढ झाली आहे. ही जगभरातील सर्वाधिक कमाई ठरली आहे.
अंबानी मजबूत, अदानींची घसरण
सोमवारी रिलायन्स इंडस्ट्रीजच्या समभागांमध्ये तेजी होती तर, अदानी ग्रुपचे बहुतांश समभाग घसरले. त्यामुळे दोन्ही उद्योगांच्या संपत्तीच्या मूल्यावर परिणाम झाला. अदानी यांचे सोमवारी एक अब्ज डॉलरचे नुकसान झाले. त्यामुळे ते १४व्या क्रमांकावर होते. तर, दुसरीकडे मुकेश अंबानी यांच्या संपत्ती मूल्यात १.३९ अब्ज डॉलर वाढ झाल्याने त्यांनी ११व्या स्थानी आणखी पकड मजबूत केली. मुकेश अंबानीची एकूण संपत्ती ११४ अब्ज डॉलर आणि अदानी यांची १०३ अब्ज डॉलर आहे.
