नाशिक आणि त्यापाठोपाठ अरुणाचल प्रदेशात भूकंपाचे धक्के जाणवले आहेत. नॅशनल सेंटर फॉर सिस्मॉलॉजीने सांगितले की, अरुणाचल प्रदेशमध्ये बुधवारी सकाळी ७.१५ वाजता भूकंप झाला. अरुणाचल प्रदेशातील बसरच्या उत्तर-पश्चिम-उत्तर दिशेला ५८ किमी अंतरावर भूकंपाचे धक्के जाणवले आहेत. केंद्राने दिलेल्या माहितीनुसार, रिश्टर स्केलवर भूकंपाची तीव्रता ३.८ इतकी मोजण्यात आली आहे. भूकंपाची खोली जमिनीखाली १० किमी होती.
बुधवारी पहाटे ४ वाजण्याच्या सुमारास महाराष्ट्रातील नाशिकमध्ये भूकंपाचे धक्के जाणवले. नॅशनल सेंटर फॉर सिस्मॉलॉजीने दिलेल्या माहितीनुसार भूकंपाची तीव्रता ३.६ इतकी होती. नाशिकच्या पश्चिमेला ८९ किमी अंतरावर भूकंप झाला. भूकंपाची खोली जमिनीखाली ५ किमी होती.
याआधी १२ नोव्हेंबरला दिल्लीत रात्री ८ वाजता दिल्लीत भूकंपाचे जोरदार धक्के जाणवले होते . नॅशनल सेंटर फॉर सिस्मॉलॉजीनुसार, नेपाळमध्ये संध्याकाळी ७.५७ वाजता ५.४ रिश्टर स्केलचा भूकंप झाला. भूकंपाचा केंद्रबिंदू जमिनीपासून १० किमी खाली असल्याचे सांगण्यात आले. त्याआधी ८ नोव्हेंबरच्या रात्री दिल्लीत भूकंपाचे जोरदार धक्के जाणवले.
हे ही वाचा :
व्हासटऍप व्हिडीओ कॉल आला आणि तरुण अडकला जाळ्यात
बारसू रिफायनरीतून विविध टप्प्यांवर ५ लाख रोजगार निर्मिती
आसाम-मेघालय सीमेवर हिंसाचार, गोळीबारात ६ जणांचा मृत्यू
नशीब बलवत्तर… न्यूझीलंडचे ‘टाय टाय’ फीश
दिल्लीत झालेल्या भूकंपाचे धक्के भारत, चीन आणि नेपाळमध्येही जाणवले. दुपारी १ .५७ वाजता भूकंप झाला. त्यांची तीव्रता रिश्टर स्केलवर ६ .३ पर्यंत मोजली गेली. भारतातील दिल्ली, यूपी, बिहार, उत्तराखंड, दिल्ली, मध्य प्रदेश, हिमाचल प्रदेश आणि जम्मू-काश्मीरमधील अनेक शहरांमध्ये भूकंपाचे धक्के जाणवले. भूकंपाचे केंद्र नेपाळ असल्याचे सांगण्यात आले. त्यामुळे नेपाळमधील डोटी येथे घर कोसळून ६ जणांचा मृत्यू झाला होता.
