नेपाळधील काठमांडू येथे बुधवारी दुपारी भूकंपापाचे तीव्र झटके जाणवले आहेत. शेजारच्या देशात भूकंपाचे धक्के जाणवत असतानाच नेपाळला लागून असलेल्या भारताच्या सीमावर्ती राज्यांमध्येही त्याचा प्रभाव दिसून आला. बिहारमधील पाटणासह इतर अनेक ठिकाणी भूकंपाचे धक्के जाणवल्याचे सांगण्यात येत आहे. मात्र, आतापर्यंत कोणतीही जीवित किंवा वित्तहानी झाल्याचे वृत्त नाही.
भूविज्ञान मंत्रालयाच्या राष्ट्रीय भूकंप विज्ञान केंद्राकडून मिळालेल्या माहितीनुसार, काठमांडू, नेपाळमध्ये १९ ऑक्टोबर रोजी दुपारी २. ५२ वाजता भूकंप झाला. रिश्टर स्केलवर त्याची तीव्रता ५.१ इतकी मोजली गेली. भूकंपाचा केंद्रबिंदू काठमांडूपासून ५३ किमी पूर्वेला होता. ते जमिनीच्या खाली १० किमी खोलीवर आले.
त्याचवेळी बिहारमधून बातमी आहे की पाटणासह इतर अनेक ठिकाणी लोकांना भूकंपाचे धक्के जाणवले. अहवालानुसार, पाटणा व्यतिरिक्त इतर जिल्ह्यांमध्येही भूकंपाचे धक्के जाणवल्याचे वृत्त आहे. पाटणासह राज्याच्या इतर भागात भूकंपाचे धक्के जाणवले. हवामानतज्ज्ञ म्हणाले की , पाटणा येथे फक्त भूकंपाचे सौम्य धक्के जाणवले आहेत, नेपाळलगतच्या उर्वरित जिल्ह्यांमध्ये भूकंपाचे हलके धक्के जाणवले आहेत.
हे ही वाचा:
पीएफआयला राम मंदिर पाडून बाबरी मस्जिद बांधायची होती
पूजा चव्हाणसाठी मी लढत असताना भास्करशेठ तुम्ही कुठल्या बिळात लपला होतात?
रॉजर बिन्नी बीसीसीआयचे नवे अध्यक्ष
याआधी बुधवारी सकाळी लडाखमध्ये ४.२ रिश्टर स्केलचा भूकंप झाला होता . नॅशनल सेंटर फॉर सिस्मॉलॉजीनुसार या भूकंपाचा केंद्रबिंदू लेह पट्ट्यात १३५ किमी ईशान्येला होता. भूकंप ३४.९२ अंश उत्तर अक्षांश आणि ७८.७२ अंश पूर्व रेखांशावर १० किमी खोलीवर झाला. हिमालयीन प्रदेश भूकंपासाठी असुरक्षित आहे. यामध्ये कोणतीही हानी झाली नसल्याचे अधिकाऱ्यांनी सांगितले.
