भारतीय जनता पार्टी (भाजपा) महाराष्ट्र प्रदेशचे कार्यालय सचिव मुकुंद नारायण कुलकर्णी यांच्या पत्नीचे निधन झाले आहे. मुकुंद कुलकर्णी यांच्या पत्नी डॉ. अंजनाताई कुलकर्णी यांची वयाच्या ५७ व्या वर्षी प्राणज्योत मालवली. मंगळवार, ३० जुलै रोजी पहाटे ३:३० वाजता माहीममधील हिंदुजा रुग्णालयात उपचारादरम्यान हृदयविकाराच्या तीव्र झटक्याने त्यांचे निधन झाले.
डॉ. अंजनाताई कुलकर्णी यांचे पार्थिव सकाळी ११:०० त्यांच्या वरळी येथील निवासस्थानी अंत्यदर्शनासाठी ठेवण्यात येणार आहे. दुपारी ३:०० वाजता दादरमधील शिवाजी पार्क येथील स्मशानभूमीत त्यांच्या पार्थिवावर अंत्यसंस्कार करण्यात येणार आहेत.
भाजपा आमदार अतुल भातखळकर यांनी डॉ. अंजनाताई कुलकर्णी यांच्या निधनानंतर श्रद्धांजली वाहिली आहे. तसेच भाजपा नेते आणि राष्ट्रीय स्वयं संघ परिवाराकडूनही शोक व्यक्त करण्यात आला आहे.
पत्ता- ३०२, गोमती निवास, ससमिरा मार्ग, वरळी बस डेपोच्या बाजूला, वरळी, मुंबई ४०० ०३०