झारखंडमधील ज्योतिर्लिंग वैद्यनाथला हवाई मार्गाने जोडण्यासाठी नुकत्याच उघडलेल्या देवघर विमानतळावर उड्डाणे सुरू झाली आहेत. आज, ३० जुलैला देवघर राजधानी दिल्लीशीही हवाई मार्गाने जोडले जाणार आहे. भाजपा खासदार कॅप्टन राजीव प्रताप रुडी आज इंडिगो फ्लाइट क्रमांक 6E 6191 ने दिल्लीहून देवघरला जाणार आहेत. दिल्ली-देवघर हे पहिले विमान असणार आहे.
इंडिगोचे हे विमान शनिवारी दुपारी १ वाजता निघाले असून २.४५ वाजता देवघर विमानतळावर दाखल होणार आहे. या विमानात रुडीसोबत कॅप्टन आशुतोष शेखर हे विमानही चालवणार आहेत. दिल्ली ते देवघर हे पहिले व्यावसायिक विमान असेल.
दरवर्षी लाखो पर्यटक बाबा वैद्यनाथच्या दर्शनासाठी देवघरला येतात. सावन महिन्यात लाखो शिवभक्त येथे येतात. झारखंड व्यतिरिक्त, देवघर विमानतळामुळे बिहारच्या शेजारील जिल्ह्यांनाही सुविधा मिळणार आहे. भविष्यात देवघर विमानतळ पूर्व भारतातील महत्त्वाच्या विमानतळांपैकी एक असेल.
भाजपा खासदार रुडी यांच्या म्हणण्यानुसार, मध्य युरोपला जाणाऱ्या आंतरराष्ट्रीय उड्डाणांसाठी A321 निओ विमानेही भविष्यात देवघर विमानतळावर उतरण्याची शक्यता आहे. बाबा बैद्यनाथ यांच्यासाठी दिल्लीहून देवघरला विमान आणण्याची संधी मिळाल्याचा त्यांना आनंद आहे.
हे ही वाचा:
धनुष्यातील ‘बाणा’सोबत ‘अर्जुन’ही शिंदेंसोबत
राज्यात दहीहंडीच्या दिवशी सार्वजनिक सुट्टी
बाळासाहेबांचे नातू निहार ठाकरे एकनाथ शिंदे यांच्या बाजूने
मराठा समाजाचे ईडब्ल्यूएस आरक्षण रद्द
पंतप्रधान नरेंद्र मोदींनी विमानतळाचं उद्घाटन केलं होतं.या महिन्याच्या १२ तारखेला पंतप्रधान नरेंद्र मोदींनी देवघर विमानतळाचं उद्घाटन केलं होतं. ५ मे २०१८ रोजी विमानतळाची पायाभरणी करण्यात आली आहे. ते चार वर्षांत पूर्ण झाले. त्याची किंमत ४०० कोटी रुपये झाली.