आर्थिक वर्षाच्या पहिल्याचं दिवशी दिलासा देणारी बातमी समोर आली आहे. नव्या आर्थिक वर्षाच्या सुरुवातीला तेल विपणन कंपन्यांनी व्यावसायिक एलपीजी गॅस सिलिंडरच्या किमतींमध्ये मोठे बदल केले आहेत. १९ किलोच्या व्यावसायिक एलपीजी गॅस सिलिंडरचा दर तब्बल ४१ रुपयांनी कमी करण्यात आला आहे. या नवीन किंमती आजपासून म्हणजेच १ एप्रिल २०२५ पासून लागू झाल्या आहेत.
तेल कंपन्यांच्या दर कपातीच्या निर्णयामुळे रेस्टॉरंट्स, ढाबे आणि हॉटेल व्यावसायिकांना मोठा दिलासा मिळाला आहे. दर कपातीमध्ये १९ किलोच्या व्यावसायिक एलपीजी गॅस सिलिंडरचा दर तब्बल ४१ रुपयांनी कमी करण्यात आला आहे. आजपासून लागू झालेल्या या नवीन कपातीनंतर, मुंबईत व्यावसायिक गॅस सिलिंडरची किंमत १७१४.५० रुपये झाली आहे. यापूर्वी ही किंमत १७५५.५० रुपये होती. तर, चेन्नईमध्ये व्यावसायिक गॅस सिलिंडरची किंमत १९२४ रुपये झाली आहे, जी पूर्वी १९६५ रुपये होती. दिल्लीत १९ किलोच्या व्यावसायिक एलपीजी गॅस सिलिंडरची किंमत १७६२ रुपये झाली आहे. जी या कपातीपूर्वी १८०३ रुपये होती. कोलकातामध्ये १९ किलोच्या व्यावसायिक गॅस सिलिंडरची किंमत १८७२ रुपये झाली आहे, जी पूर्वी १९१३ रुपये होती.
दरम्यान, घरगुती १४.२ किलो एलपीजी गॅस सिलिंडरच्या किंमतीत कोणताही बदल झालेला नाही. १४.२ किलोच्या एलपीजी गॅस सिलेंडरची किंमत मुंबईत ८०२.५० रुपये, दिल्लीत ८०३ रुपये, कोलकातामध्ये ८२९ रुपये आणि चेन्नईमध्ये ८१८.५० रुपये आहे.
हे ही वाचा :
जम्मू-काश्मीरच्या कठुआमध्ये सुरक्षा दलाने तीन दहशतवाद्यांना घेरले, चकमक सुरु!
मुरलेल्या फडणवीसांना पक्के ठाऊक आहे, चर्चेतील नाव यादीत नसते…
ममता जी ‘कौन सा धर्म गंदा है’?
‘नीती एनसीएईआर राज्य आर्थिक मंच’ पोर्टल लॉन्च होणार
तेल कंपन्या या दर महिन्याच्या १ तारखेला एलपीजी गॅस सिलिंडरच्या किमतींमध्ये बदल करतात. कंपन्यांनी गेल्या महिन्यात १ मार्चपासून व्यावसायिक एलपीजी गॅस सिलिंडरच्या किमतीत ६ रुपयांची वाढ केली होती. पण आता या महिन्याच्या सुरुवातीला त्यामध्ये तब्बल ४१ रुपयांची कपात करण्यात आली आहे.
