उत्तर प्रदेशातील बरेली जिल्ह्यात १५ सप्टेंबर रोजी मुस्लिमांनी काढलेल्या ईद मिलाद-उन-नबी मिरवणुकीला अनेक हिंदूंनी अडवले. आंदोलक हिंदूंनी मुस्लिम मिरवणूक रोखण्यासाठी रास्ता रोको केला. मुस्लिम जमावाने याआधी बारादरी भागातील त्याच जोगीनवाड्यातून कावड यात्रेला जाण्यापासून रोखले होते.
रविवारी बरेली येथे ईद मिलाद-उन-नबी निमित्त सुमारे १२० अंजुमनांचा जलसा-ए-मोहम्मदी काढण्यात येणार होता. दरवर्षी ज्या मार्गावरून मिरवणूक काढली जाते, त्या मार्गावरील नागरिकांनी त्याला विरोध केल्याचे दुपारी अधिकाऱ्यांना समजले. स्थानिक हिंदूंनी बरीच समजूत काढल्यानंतरही मिरवणूक निघू देण्यास नकार दिल्यावर पोलीस-प्रशासकीय अधिकाऱ्यांनी अंजुमनच्या प्रमुखांची बैठक घेऊन नव्या मार्गाबाबत चर्चा केली.
हेही वाचा..
यूपीमध्ये लव्ह जिहाद, आरोपी मोहम्मद आझम झैदीला अटक !
उद्योगपतीला वाचविण्यासाठी तीन आयपीएस अधिकारी महिलेला छळत होते!
खासदार गोखालेंकडून पुन्हा खोटी माहिती प्रसारित
चक्रीवादळाने पीडित व्हिएतनाम, लाओस, म्यानमारच्या मदतीसाठी भारताचे ‘ऑपरेशन सद्भाव’!
बराच विचारविनिमय केल्यानंतर जोगीनवाड्यातील मौर्या गल्ली येथून ईद मिरवणूक काढण्याचा निर्णय घेण्यात आला. मात्र, ही माहिती मिळताच मौर्य गल्लीतील हिंदू रस्त्यावर उतरले. गेल्या वर्षी ज्याप्रमाणे कावड यात्रेला या मार्गावरून नेण्यास परवानगी दिली नाही, त्याचप्रमाणे जलसा-ए-मोहम्मदी मिरवणूकही येथून जाऊ देणार नाही, असे त्यांनी नमूद केले. माहिती मिळताच, मोठ्या संख्येने पोलिस दाखल झाले आणि त्यांनी हिंदू आणि मुस्लिम दोन्ही बाजूंना समजवून परिस्थिती शांत करण्याचा प्रयत्न केला.
अनेक इस्लामवाद्यांनी निषेध करणाऱ्या हिंदूंवर इस्लामोफोबिक असल्याचा आरोप केला आहे, तर स्थानिक हिंदूंचे असे मत आहे की जर त्यांच्या शांततापूर्ण कावड यात्रेला स्थानिक मुस्लिमांनी परवानगी दिली नसेल तर त्यांनी ईदच्या मिरवणुकीला त्यांच्या भागातून का जाऊ द्यावे. वृत्तानुसार दर्गा आला हजरतचे प्रमुख सुभानी मियाँ यांनी जगतपूरमधील रवी की चक्की येथून मार्ग न दिल्यास ते मिरवणूक काढणार नाहीत यावर ठाम होते. तथापि, ईद मिरवणुकीसाठी मुस्लिम बाजूने नवीन मार्ग तयार करण्याच्या प्रयत्नाला परिसरातील हिंदू रहिवाशांचा विरोध होता.
विशेष म्हणजे, सांप्रदायिकदृष्ट्या संवेदनशील असलेल्या बरेलीमध्ये दोन समुदाय आमनेसामने येण्याची ही पहिलीच वेळ नाही. गेल्या वर्षी हाच जोगीनवाडा परिसर हिंदू विरुद्ध मुस्लिमांनी सुरू केलेल्या संघर्षाच्या केंद्रस्थानी होता. उत्तर प्रदेशातील बरेली शहरातील जोगीनवाडा परिसरातील शाहनूरी मशिदीजवळ कावडीयांच्या गटावर इस्लामवाद्यांनी दगडफेक केली. या घटनेत सुमारे डझनभर यात्रेकरू आणि काही पोलीस कर्मचारी जखमी झाले. गंगा नदीचे पवित्र पाणी आणण्यासाठी कावाडीया बुडाऊनला जात असताना ही घटना घडली. कावड यात्रेकरूंचा गट जवळच्या वंकंदीनाथ मंदिरात ‘जलाभिषेक’ करणार होते. तथापि, त्यांना इस्लामवाद्यांच्या दगडफेकीचा सामना करावा लागला.
जुलै २०२२ मध्ये बरेलीमधील परगवा गावातील रहिवाशांनी ग्रामप्रधान शकीना आणि तिचे सासरे इश्तियाक यांच्या नेतृत्वात कावड यात्रेकरू गावातून जात असताना त्यांच्यावर दूषित पाणी फेकले. ग्रामस्थांनी यात्रेकरूंवर दगडफेकही केली. हल्लेखोरांना नंतर अटक करण्यात आली.
ऑगस्ट २०२२ मध्ये बरेलीमधील शेरगड ब्लॉकमधील मुस्लिमबहुल डंका गावात राहणाऱ्या स्थानिक मुस्लिमांनी कावड यात्रेकरूंना त्यांचा पारंपारिक मार्ग असतानाही त्या भागात प्रवेश करण्यापासून रोखले. २०१९ मध्ये, बरेलीमध्ये कृष्ण जन्माष्टमीच्या वेळी अशीच एक घटना नोंदवली गेली होती ज्यात हिंदूंनी काढलेल्या जन्माष्टमी मिरवणुकीत मुस्लिम समुदायातील लोकांनी भक्तांवर दगडफेक करण्यास सुरुवात केली होती.