अभिनेता अक्षय कुमार हा बॉलिवूडमधील सर्वात व्यस्त अभिनेत्यांपैकी एक आहे. तो एका वर्षात चार ते पाच चित्रपट करतो. अक्षयच्या एका चित्रपटाचे प्रमोशन संपत नाही तोच तो पुढच्या चित्रपटाचे शूटिंग करत असतो. याचदरम्यान, अक्षय कुमार हा बॉलिवूडमधला सर्वाधिक कर भरणारा अभिनेता ठरला आहे. यामुळे आयकर विभागाने त्याचा गौरव केला आहे.
अक्षय कुमार हा हिंदी चित्रपटसृष्टीतील सर्वाधिक मानधन घेणारा अभिनेता आहे. गेल्या पाच वर्षांपासून अक्षय कुमार सातत्याने भारतातील सर्वाधिक कर भरणाऱ्यांपैकी एक आहे. आयकर विभागाने अक्षय कुमारला मानपत्र देऊन सन्मानित केले आहे. पण अक्षयच्या टीमने त्याच्या वतीने हा पुरस्कार घेतला आहे.
हे ही वाचा:
एसटी अपघातातील गंभीर जखमींना मुख्यमंत्री सहायता निधीतून ५० हजारांची मदत
पंतप्रधान मोदींकडून राष्ट्रपती कोविंद यांना फेअरवेल डिनर
बजरंग दलाने कॉंग्रेसच्या पक्ष कार्यालयावर लिहिले हज हाऊस
राष्ट्रीय पुरस्काराने वाढवली आणखी दर्जेदार चित्रपट निर्मितीची जबाबदारी
दरम्यान, अक्षय सध्या जसवंत सिंग गिल यांच्या बायोपिकसाठी इंग्लंडमध्ये शूटिंग करत आहे. ऑगस्टच्या पहिल्या आठवड्यात तो भारतात परत येऊ शकतो. त्यानंतर तो आगामी ‘रक्षाबंधन’ या चित्रपटाचे प्रमोशन करणार आहे. हा चित्रपट ११ ऑगस्ट २०२२ रोजी रिलीज होणार आहे. याशिवाय अक्षयच्या खात्यात ‘सेल्फी’, ‘राम सेतू’, ‘ओह माय गॉड 2’ आणि ‘बडे मियाँ छोटे मियाँ’ हे चित्रपट आहेत.अक्षय सुरियाच्या ‘सूरराई पोतरु’ या चित्रपटाच्या हिंदी रिमेकमध्येही दिसणार आहे.
