अयोध्येत २२ जानेवारी रोजी प्रभू श्री राम मंदिर प्राणप्रतिष्ठा सोहळा पार पडणार आहे.सोहळ्याची तयारी जोरदार सुरु आहे.प्राणप्रतिष्ठा सोहळ्यासाठी देशभरातील भाविकांमध्ये प्रचंड उत्साह आहे.पंतप्रधान नरेंद्र मोदी यांच्यासह देशातील प्रसिद्ध नामांकित व्यक्ती २२ जानेवारीला अयोध्येत येणार आहेत.देशभरातील आठ हजारहून अधिक नामांकित व्यक्तींना सोहळ्याचे निमंत्रण देण्यात येणार आहे.दरम्यान, दरम्यान, काशीच्या संतांनी २२ जानेवारीला सार्वजनिक सुट्टी जाहीर करण्याची मागणी केली आहे.
काशी (वाराणसी) च्या संतांनी भारत सरकारला पत्र लिहून ही मागणी केली आहे. ते म्हणतात की, २२ जानेवारी २०२४ रोजी राम लल्लाच्या अभिषेक पाहण्यासाठी संपूर्ण देशात सार्वजनिक सुट्टी जाहीर करावी.अखिल भारतीय संत समितीचे सरचिटणीस स्वामी जितेंद्रनंद सरस्वती म्हणाले की, ५०० वर्षांपासून आमचा संघर्ष सुरू आहे. प्रभू श्रीरामाच्या अभिषेक प्रसंगी, देशाचे पंतप्रधान नरेंद्र मोदी जेव्हा मंदिरात रामलल्लाचा अभिषेक करणार आहेत, तेव्हा कुटुंबातील प्रत्येक सदस्याने एकत्र येऊन त्यांचे दर्शन घेतले पाहिजे.हा ऐतिहासिक सोहळा सर्वांनी पहिला पाहिजे.
हे ही वाचा:
वर्ल्ड कप फायनलमध्ये जमा झालेल्या प्लास्टिक कचऱ्यातून बेंच, जॅकेट
रिझर्व्ह बँक धमकी प्रकरणी पोलिसांनी तिघांच्या मुसक्या आवळल्या
एकीकडे अपघात झाला आणि दुसरीकडे कोंबड्या पळवल्या!
चौदावा केशवसृष्टी पुरस्कार डॉ. बालाजी आसेगावकर यांना प्रदान
जितेंद्रनंद सरस्वती म्हणाले, आम्ही राज्य सरकार आणि केंद्र सरकारकडे मागणी केली आहे की, आमच्या ५०० वर्षांच्या संघर्षाच्या पार्श्वभूमीवर २२ जानेवारीला एक दिवसाची सार्वजनिक सुट्टी जाहीर करावी.
दरम्यान,अभिषेक समारंभासाठी एकूण ८ हजार निमंत्रितांपैकी सुमारे ६ हजार देशभरातील संत आणि पुजारी असणार आहेत.उर्वरित २ हजार लोक विविध भागातील व्हीव्हीआयपी असतील.तसेच भाविकांची राहण्याची व्यवस्था केली जाणार असून डझनभर खुली स्वयंपाकघरेही बांधली जात आहेत.