मध्य रेल्वे आरपीएफने कौतुकास्पद कामगिरी करत महिन्याभरात दीडशेहून अधिक हरवलेल्या बालकांना त्यांच्या कुटुंबियांकडे सोपवले आहे. रेल्वे सुरक्षा दलाकडे रेल्वे मालमत्ता, प्रवासी क्षेत्र आणि प्रवाशांच्या सुरक्षेची जबाबदारी सोपवण्यात आली आहे. दरम्यान, ‘ऑपरेशन नन्हे फरिश्ते’ अंतर्गत आरपीएफ जवान लहान मुलांना वाचवण्याची जबाबदारीही पार पाडत असतात.
या अंतर्गत सुटका करण्यात आलेल्या १६३ मुलांमध्ये १३३ मुले आणि ३० मुलींचा समावेश असून त्यांना चाईल्डलाईन सारख्या स्वयंसेवी संस्थेच्या मदतीने त्यांच्या पालकांशी पुन्हा जोडण्यात आले आहे. मध्य रेल्वे आरपीएफने मे महिन्यात १६३ मुलांना शोधून काढण्याची कामगिरी केली आहे.
अनेकदा लहान मुळे काही भांडणामुळे, कौटुंबिक समस्यांमुळे किंवा चांगले जीवन, शहराकडची ओढ या कारणांमुळे घर सोडून रेल्वे स्थानक गाठतात. अशा मुलांना आरपीएफ जवान शोधून काढून त्यांच्या समस्या समजून घेतात. त्यांना त्यांच्या पालकांसह पुन्हा एकत्र येण्यासाठी सल्ला देतात. आता ही १६३ मुले परतल्यानंतर रेल्वेच्या या कामगिरीबद्दल पालक त्यांचे आभार व्यक्त करत आहेत.
हे ही वाचा:
तुमचाही दाभोलकर होणार; शरद पवारांना जीवे मारण्याची धमकी
निर्मला सितारामन यांच्या मुलीचा अत्यंत साधेपणाने विवाह
लोकसभा निवडणुकीआधी एनडीएचे बळ वाढणार
मृतदेहाचे तुकडे कुकरमध्ये का शिजवले? आरोपी मनोजने सांगितले कारण
सुटका करण्यात आलेल्या मुलांची विभागनिहाय आकडेवारी
- मुंबई विभाग- ३४ मुले (२३ मुले आणि ११ मुली)
- भुसावळ विभाग- ७८ मुले (७० मुले व ८ मुली)
- नागपूर विभाग- १४ मुले (५ मुले आणि ९ मुली)
- सोलापूर विभाग- ४ मुले (२ मुले व २ मुली)
- पुणे विभाग- ३३ मुले (३३ मुले)
