उत्तर भारतात श्रावणात मोठ्या संख्येने कावड यात्रा निघतात. तिथे श्रावण आपल्या आधी सुरू होतो. हजारो तरुण या यात्रांमध्ये सामील होतात. गंगा – यमुना या पवित्र नद्यांचे पाणी शिवलिंगावर चढवले जाते. उत्तर प्रदेशातील हजारो कावडीया जथ्या जथ्याने बाहेर पडतात. कित्येक मैल पायी प्रवास करतात. शिवलिंगावर जल चढवून हर हर महादेवचा गजर करतात. ही कावड यात्रा जिथून पुढे सरकते त्या मार्गावरील हॉटेल, दुकाने, ठेले आणि ढाबे मालकांना नावाच्या पाट्या लावण्याचे आदेश पोलिस प्रशासनाने दिले आहेत. या आदेशाच्या विरोधात काहूर माजवण्याचे काम मुस्लीम नेते करतायत. आपले नाव सांगा म्हटल्यावर यांची इतकी आग का होते आहे?