उद्धव ठाकरेंचे आता काय होणार?

महाराष्ट्राच्या राजकारणात सध्या मोठी उलथापालथ सुरू आहे. वर्षभरापूर्वी उद्धव ठाकरेंच्या वाट्याला जे आले तेच आता शरद पवार यांच्या भाळी आलेले दिसते आहे. राष्ट्रवादी काँग्रेसमध्ये मोठी फूट पडल्यानंतर आता उद्धव ठाकरे यांची भविष्यातील वाटचाल कोणाच्या मार्गदर्शनाखाली होणार असा सवाल निर्माण झाला आहे. फूटीचा फटका राष्ट्रवादीला पडला असला तरी त्यामुळे ठाकरे जास्त कोलमडण्याची शक्यता आहे.