राष्ट्रवादी काँग्रेसच्या नेत्यांनी अजित पवार यांच्या नेतृत्वाखाली शिंदे-फडणवीस सरकारमध्ये सामील होण्याचा निर्णय घेतल्यानंतर भाजपा कार्यकर्त्यांमध्ये प्रचंड चलबिचल आहे. भाजपा नेते, उपमुख्यमंत्री देवेंद्र फडणवीस हे ही बाब चांगलीच ओळखून आहेत. त्यामुळे महाविजय २०२४ या प्रशिक्षण वर्गात बोलताना फडणवीस यांनी याच मुद्द्यावर बराच वेळ खर्ची घातला. परंतु फडणवीस कार्यकर्त्यांना जे समजवण्याचा प्रय़त्न करीत होते तीच बाब काँग्रेस नेते बाळासाहेब थोरात यांनी एका वाक्यात सांगितलेली आहे.