शिल्लक सेनेसाठी सध्या फारच बिकट स्थिती आहे. काळ कठीण असतो तेव्हा दुर्बलातला दुर्बल माणूस ताकद पणाला लावून परिस्थिती बदलण्याचा प्रयत्न करतो. याला अपवाद फक्त पक्ष हातातून निसटलेले पक्षप्रमुख उद्धव ठाकरे यांचा. कसबा आणि चिंचवडच्या पोटनिवडणूक प्रचाराचा आज अखेरचा दिवस. भाजपा महायुती आणि महाविकास आघाडीने या पोटनिवडणुकीसाठी ताकद लावली. सगळे नेते झाडून प्रचाराला उतरले आजारपणामुळे गलितगात्र झालेले गिरीश बापटही मैदानात उतरले, परंतु उद्धव यांची उडी ऑनलाईन पलिकडे गेली नाही.