सत्तेचे विसर्जन करणारे तेच दोघे मविआ बुडवायला निघाले… |

जागावाटपाच्या मुद्द्यावरून मविआमध्ये हाणामाऱ्या सुरू आहेत. काँग्रेस आणि उबाठाचे नेते एकमेकांच्या उरावर बसलेले दिसतात. महायुतीला गाफील ठेवण्यासाठी ही नूरा कुस्ती सुरू आहे, अशी शक्यता व्यक्त करण्यात येत होती. परंतु त्यात फार तथ्य दिसत नाही. विदर्भातील जागा वाटपाच्या मुद्द्यावरून दोन्ही पक्षांमध्ये राडे सुरू आहेत. प्रदेशाध्यक्ष नाना पटोले यांनी अत्यंत आक्रमक भूमिका घेतलेली आहे. मविआमध्ये भूकंप झालाच तर त्याचे केंद्र विदर्भ असेल. उद्या २२ ऑक्टोबर रोजी जागा वाटप जाहीर होईल असे काँग्रेस प्रदेशाध्यक्ष नाना पटोले यांनी म्हटले आहे. जर उबाठा शिवसेनेने जागा वाटपाबाबत तात्कालिक माघार घेतली तरी निवडणुकीच्या काळात पक्षप्रमुख उद्धव ठाकरे उट्टे काढणार ही बाब उघड आहे.