..हे म्हणजे आपल्या गल्लीत वाघ ठरण्यासारखे!

एकनाथ शिंदे आणि त्यांच्यासोबत गेलेल्या ४० आमदारांनी बंड केल्यानंतर महाविकास आघाडीचे सरकार कोसळले. त्यानंतर आदित्य ठाकरे या आमदारांना खोके, बोके, गद्दार अशा नानाविध उपमा देताना दिसत आहेत. एवढे दिवस उलटूनही सत्ता गेल्याचा राग आदित्य ठाकरेंचा काही कमी होताना दिसत नाही. वेगवेगळ्या कार्यक्रमात, पत्रकारांसमोर ते बोलून दाखवताहेत, आव्हान देताहेत. आता आदित्य ठाकरे यांनी कार्यकर्त्यांच्या मेळाव्यात मी राजीनामा देतो, एकनाथ शिंदेंनी माझ्यासमोर वरळीत लढून दाखवावं अशा शब्दांत एकनाथ शिंदेंविरोधात दंड थोपटले आहेत.