लोकसभा निवडणुकी दरम्यान महाविकास आघाडीत पहीली ठिणगी सांगलीत उडाली होती. एकत्र निवडणूक लढवून सुद्धा काँग्रेसचे अपक्ष उमेदवार विशाल पाटील यांनी उबाठा शिवसेनेच्या अधिकृत उमेदवाराला धूळ चारली. चंद्रहास पाटील यांचा पराभव केला. ही सल अजून पक्षप्रमुख उद्धव ठाकरे यांच्या मनात ठसठसते आहे. आज त्याच सांगलीत पतंगराव कदम यांच्या पूर्णाकृती पुतळ्याचे उद्घाटन झाले. या कार्यक्रमाला काँग्रेस नेते राहुल गांधी, ज्येष्ठ नेते शरद पवार यांनी उपस्थिती लावली. परंतु ठाकरे किंवा त्यांच्या पक्षाचा एकही नेता या कार्यक्रमाला उपस्थित राहीला नाही. या कार्यक्रमाच्या निमित्ताने ठाकरेंना पुन्हा एकदा आपली नाराजी व्यक्त करण्याची संधी मिळाली.