शिवडी वरळी उन्नत मार्गिका प्रकल्पामुळे एलफिस्टन, प्रभादेवी या भागातील शेकडो कुटुंबातील हजारो रहिवाशी बाधित होत असून या प्रकरणाला ‘न्यूज डंका’ने वाचा फोडली होती. ‘न्यूज डंका’ने केलेल्या बातमीनंतर विधान परिषदेचे विरोधी पक्ष नेते प्रवीण दरेकर यांनी रविवार २७ फेब्रुवारी रोजी या परिसराला भेट देऊन रहिवाशांची भेट घेतली. यावेळी प्रवीण दरेकर यांनी रहिवाशांशी संवाद साधून त्यांच्या समस्या समजून घेतल्या.