शिवसेनेचे दादर, प्रभादेवी, वरळी, लालबाग, शिवडी, काळाचौकी हे बालेकिल्ले. या भागात अनेक वर्षांपासून शिवसेनेचे वर्चस्व राहिले आहे. पण शिवसेनेतून वेगळे होऊन एकनाथ शिंदे मुख्यमंत्री झाल्यानंतर आगामी निवडणुकांत शिवसेनेची गणिते बदलतील का, याविषयी चर्चा सुरू झाली आहे. विशेषतः मुंबईत सत्ता संघर्षानंतर गेली २५ वर्षे मुंबई महापालिकेवर सत्ता असलेल्या शिवसेनेच्या या बालेकिल्ल्यांना सुरुंग लागण्याची शक्यता वर्तविली जात आहे.