दसरा मेळावा की विसरा मेळावा?

छत्रपती शिवाजी महाराज पार्कचा उल्लेख झाला म्हणजे सर्वांना आठवतो तो दसरा मेळावा. शिवसेना आणि शिवाजी पार्क हे शिवसेनेचं लाडकं समीकरण. शिवाजी पार्क शिवसेनेच्या भाषेत शिवतीर्थ. शिवसेनेचे दादर, प्रभादेवी, वरळी, लालबाग, शिवडी, काळाचौकी, भांडूप हे बालेकिल्ले. या भागात अनेक वर्षांपासून शिवसेनेचे वर्चस्व राहिले आहे. दादरमध्ये शिवसेनेचे मुख्यालय शिवसेना भवन आहे. त्याच्या समोरच असलेल्या शिवाजी पार्क मैदानावर यावर्षी दसरा मेळावा घेण्यासाठी शिवसेनेची धावपळ होताना दिसते आहे. पण त्यासाठी परवानगी मिळवताना शिवसेनेची पुरती दमछाक झालेली दिसते.