महागाईने, बेरोजगारीने कळस गाठलेल्या श्रीलंकेत आता सामान्यांच्या सहनशक्तीचा अंत झाला आहे. रामायणात हनुमानाने ही लंका पेटवून दिली होती, रावणाच्या पापाचा नाश करण्यासाठी हनुमानाने चूड लावली होती आज श्रीलंकन लोक ही सोन्याची लंका पेटवत आहेत. सामान्य जनतेच्या अपेक्षांकडे, त्यांच्या समस्यांकडे दुर्लक्ष करून राजपक्षे कुटुंब केवळ सत्तेपाठी धावत असल्याचं सत्य आता समोर आलंय. लोकांनीचं त्यांना आता सत्तेतून खाली उतरवलंय.