एकनाथ शिंदे यांचे बंड हा शिवसेनेचा अंतर्गत प्रश्न असल्याची भूमिका खुंटीला टांगून राष्ट्रवादी काँग्रेसचे नेते शरद पवार यांनी महाविकास आघाडीचे सरकार वाचवण्यासाठी कंबर कसली आहे. महाराष्ट्रात हे तीन पक्षांचे सरकार स्थापन झाल्यापासून राष्ट्रवादी काँग्रेस हा त्याचा सर्वाधिक लाभार्थी असलेला पक्ष आहे. अर्थमंत्रालय आणि गृहमंत्रालय ही दोन महत्वाची खाती स्वत:कडे ठेवून पवारांनी मुख्यमंत्री पदाचा खुळखुळा काडीचा अनुभव नसलेल्या उद्धव ठाकरे यांच्याकडे दिला होता. मुखवटा शिवसेनेचा असला तरी सरकारवर पकड पवारांचीच होती. मुख्यमंत्री आणि शिवसेना फक्त लोकांच्या टीकेचे धनी होते.