अजय देवगनच्या अष्टपैलू यशस्वी चौफेर कारकिर्दीला चक्क तीस वर्षे पूर्ण झाली. २२ नोव्हेंबर १९९१ रोजी त्याची भूमिका असलेला पहिला चित्रपट ‘फूल और कांटे ‘ प्रदर्शित झाला आणि पहिल्याच शोपासून सुपर हिट ठरला. सुरुवातीला ‘गुंडा हीरो ‘ अशी असलेली त्याची प्रतिमा ( इमेज) ‘हम दिल दे के चुके सनम ‘ पासून बदलत गेली आणि त्याच्या अभिनयातही सकारात्मक बदल होत गेला आणि मग अनेक प्रकारच्या व्यक्तिरेखा त्याने साकारत आपले स्वतंत्र स्थान निर्माण केले.