मनसेचा महायुतीत समावेश असता तर कदाचित मनसेचा विधानसभा निवडणुकीत दारुण पराभव झाला नसता, अशी मनसेच्या पदाधिकाऱ्यांची भावना आहे. तत्कालीन मुख्यमंत्री एकनाथ शिंदे यांचा मनसेला महायुतीत प्रवेश देण्यासाठी विरोध होता, असा गौप्यस्फोट मनसेचे सर्वेसर्वा राज ठाकरे यांनी विभागप्रमुखांच्या केल्याचे वृत्त आहे. मनसेच्या बैठकीत यावर बराच खल झाला. एकनाथ शिंदे यांना महायुतीत मनसे नको होती, हे काही फार आश्चर्यकार नाही. हे तेच कारण आहे, ज्यामुळे उद्धव ठाकरेंना राज ठाकरे नकोसे झाले होते.