राष्ट्रवादी काँग्रेसचे शरद पवार यांना राष्ट्रीय राजकारणात अलिकडे कोणी फार गंभीरपणे घेत नाही. काल गुरुवारी नवी दिल्लीतील ६ जनपथ या निवासस्थानी पवारांनी राज्यसभेतील विरोधी पक्षातील प्रमुख नेत्यांची बैठक बोलावली होती. एकही प्रमुख नेता या बैठकीला हजर नव्हता. मोदीविरोधी राजकारण करून तरी राष्ट्रीय पातळीवर चमकत राहू, ही पवारनीतीही निकाली निघाली आहे. मोदीविरोधी आघाडीचे तारु अज्ञात खडकावर आदळून फुटले आहे.