भाजपा हरवण्यासाठी मुंबईत एकत्र आलेले २८ पक्षांचे नेते पंतप्रधान नरेंद्र मोदी यांचा पराभव पाहण्यासाठी, भाजपाला सत्ताभ्रष्ट करण्यासाठी प्रचंड आसुसलेले आहेत. मुंबईतील ग्रँड हयात मध्ये I.N.D.I.A. आघाडीच्या बैठकीसाठी आज दिवसभर नेत्यांचे आगमन सुरू आहे. संध्याकाळपासून कार्यक्रमांना सुरूवात होईल. बैठकीच्या कार्यक्रम पत्रिकेवर जर नजर टाकली तर मेंदू तवा फ्राय होण्याची शक्यता आहे. भाजपाच्या पराभवासाठी एखाद्या धाडसी रणनीतीवर खल कमी आणि बाकी फाफट पसारा जास्त असे बैठकीचे चित्र आहे. त्यामुळे ही बैठक भाजपाविरोधी हौशागवशांची जत्रा ठरण्याची शक्यता जास्त आहे.