आर. के. फिल्म या प्रतिष्ठित बॅनरच्या ‘हीना ‘ या रणधीर कपूर दिग्दर्शित चित्रपटात गीत, संगीत व नृत्य यांनी रंगलेली अनोखी प्रेमकथा पहायला मिळते. ‘हीना ‘ची निर्मिती हे राज कपूरचे दीर्घकालीन स्वप्न होते. पण दोन गाण्यांच्या रेकाॅर्डिंगनंतर राज कपूरचे निधन झाले आणि रणधीर कपूरने हा मनोरंजक चित्रपट दिग्दर्शित केला. ऋषि कपूर, झेबा बख्तियार आणि अश्विनी भावे यांच्या या चित्रपटात प्रमुख भूमिका आहेत. या चित्रपटाची पूर्वप्रसिध्दी अतिशय फोकस्ड होती हे आठवतयं.