आपल्या जहाल ट्विट्स आणि रोखठोक भूमिकेमुळे सतत चर्चेत असणाऱ्या अभिनेत्री कंगना राणावत हिने दिल्लीचे मुख्यमंत्री अरविंद केजरीवाल यांच्यावर निशाणा साधला आहे. पण तिच्यासोबतच काँग्रेसच्या बड्या नेत्यानेही केजरीवालांना लक्ष्य केले आहे. याला कारण ठरले आहे दिल्लीतील रिंकू शर्मा हत्या प्रकरण. या प्रकरणाच्या अनुषंगाने कंगना आणि काँग्रेस नेत्याने अरविंद केजरीवाल यांचे जुने ट्विट शेअर करत त्यांना सवाल केला आहे.
दिल्लीत रामभक्त रिंकू शर्मा याची घरात घुसून हत्या करण्यात आली आणि या हत्येने सारा देश हादरला. या हत्येवरून सोशल मीडियावरचे वातावरण चांगलेच तापले असून आता याच विषयावरून अभिनेत्री कंगना राणावत हिने मुख्यमंत्री केजरीवाल यांना लक्ष्य केले आहे. २०१५ साली अखलाक याच्या मृत्यूनंतर केजरीवाल त्याच्या कुटुंबीयांची भेट द्यायला गेले होते. याचीच आठवण कंगनाने केजरीवालांना करून दिली आहे आणि ट्विट करत तुम्ही आता रिंकू शर्माच्या कुटुंबियांनाही भेटायला जाल अशी अपेक्षा असल्याचे कंगनाने म्हटले आहे.
Dear @ArvindKejriwal ji I really hope you meet Rinku Sharma’s family and support them also, you are a politician hope you become a statesman also. https://t.co/SpPyKWYUnZ
— Kangana Ranaut (@KanganaTeam) February 13, 2021
हे ही पहा:
कंगना राणावत सोबतच काँग्रेस नेते अभिषेक मनू सिंघवी यांनीही केजरीवालांना लक्ष्य केले आहे. त्यांनीही ट्विटरच्या माध्यमातून मुख्यमंत्री अरविंद केजरीवाल यांच्यावर निशाणा साधला आहे. रिंकू शर्माच्या कुटुंबियांना भेटण्याचा केजरीवाल यांचा काही इरादा आहे का असा सवाल सिंघवी यांनी विचारला आहे.
Any plans to visit Rinku Sharma's family? Mongolpuri is much closer than Dadri! Both crimes equally gruesome but just reminding: if one can go to UP, one can def go to one’s own state.https://t.co/Z8ZtaNN7vj
— Abhishek Singhvi (@DrAMSinghvi) February 13, 2021
हे ही पहा:
रामनिधी संकलन करणाऱ्या बजरंग दलाच्या कार्यकर्त्याची हत्या; आरोपींना अटक