आधीच काँग्रेसची महाराष्ट्रातील अवस्था तोळामासा असताना पदवीधर मतदारसंघाच्या निवडणुकीत नाशिकमध्ये काँग्रेसचे उमेदवार सुधीर तांबे यांनी अर्ज भरला नाही पण त्यांचे पुत्र सत्यजीत तांबे हे मात्र निवडणुकीच्या रिंगणात उतरले. मात्र ते अपक्ष निवडणूक लढविणार असल्यामुळे काँग्रेसची चांगलीच गोची झाली आहे.
रणजीत तांबे यांनी उपमुख्यमंत्री देवेंद्र फडणवीस यांची भेट घेऊन त्यांचा पाठिंबा मिळविणार असल्याचे म्हटले आहे. नाशिकमध्ये तीन उमेदवार अपक्षच आहेत. आता रणजीत तांबे यांना काँग्रेस पाठिंबा देणार का याविषयी संभ्रम आहे.
हे ही वाचा:
गोवा गुटख्याच्या मालकासह दाऊदच्या तीन साथीदारांना १० वर्षांचा कारावास
कट्टरतावादी विचारसरणीच्या कैद्यांना स्वतंत्र बराकी
महापालिका, नगरपरिषदांमध्ये लवकरच ४० हजार पदांची भरती
यावर काँग्रेसचे प्रदेशाध्यक्ष नाना पटोले म्हणाले की, ही जी घटना घडली आहे ती चांगली घटना नाही असे माझे मत आहे. राजकीय समीकरणात पुढे काय काय होते, ते पाहू. सत्यजीत तांबे हे अपक्ष उभे राहात आहेत त्याचवेळी त्यांचे वडील सुधीर तांबे यांनी उमेदवारी असतानाही अर्ज भरला नाही. सुधीर तांबेने यांनी टीव्हीवर दिलेली प्रतिक्रिया मी ऐकली. पण मी यासंदर्भात माहिती घेऊन मग बोलणार आहे. जे काही झाले आहे, त्याचे स्पष्टीकरण मांडू. सुधीर तांबे यांच्याशी आपले काहीही बोलणे झालेले नाही. पण जे घडले आहे त्यावर स्पष्टीकरण देऊ. तांबे पितापुत्रांनी आपल्याला अंधारात ठेवून सदर निर्णय घेतला का, याचीही तपासणी करू.
पटोले म्हणाले की, सत्यजीत तांबे हे अपक्ष उभे राहात आहेत, पण तो त्यांचा प्रश्न आहे. मात्र काँग्रेसने ज्या सुधीर तांबे यांना उमेदवारी दिली होती, त्यांनी अर्ज का भरला नाही, याची माहिती आम्ही घेऊ.