अदर पुनावालांना धमकावणारे शिवसेनेचे गुंड?

सिरम इन्स्टीट्यूटचे सिईओ अदर पुनावाला यांनी टाईम्स युकेला दिलेल्या मुलाखतीत ‘आपल्याला धमक्या मिळत होत्या’ असा गौप्यस्फोट केला आणि एकच खळबळ उडाली. पण आता इंडिया टूडे वाहिनीचे वृत्तनिवेदक राहुल कंवल यांनी एक धक्कादायक खुलासा केला आहे. पुनावाला यांना धमकवणारे शिवसेनेचे गुंड होते असा गौप्यस्फोट त्यांनी आपल्या कार्यक्रमात केला आहे.

‘कोविशिल्ड’ ही कोविडवरची लस उत्पादन करणाऱ्या सिरम इन्स्टिट्यूटचे सिईओ अदर पुनावाला हे सध्या लंडनमध्ये आहेत. तिथे टाईम्स युके या वृत्तपत्राला दिलेल्या मुलाखतीत त्यांच्यावर काही राज्यांच्या मुख्यमंत्र्यांचा दबाव आहे तर काही जण त्यांना धमक्या देत असल्याचा गौप्यस्फोट केला आहे. त्यांच्या या माहितीने देशात एकच खळबळ उडाली होती.

हे ही वाचा:

आसाममध्ये भाजपाचा दणदणीत विजय निश्चित

तामिळनाडूत सत्ताबदलाचे वारे?

भाजपाचे आवताडे महाविकास आघाडीवर भारी

निवडणूक निकालांच्या आधीच काँग्रेसने काढला पळ

अशातच आता इंडिया टूडे वाहिनीचे वृत्तनिवेदक राहुल कंवल यांनी या विषयात एक खळबळजनक खुलासा केला आहे. “पुनावाला यांनी आपल्याला काही व्हिडिओ पाठवले. यातील एका व्हिडिओत शिवसेनेचे गुंड पुनावाला यांच्या कारखान्याबाहेर जाऊन त्यांना शिवीगाळ करत आहेत आणि ‘पहिले लस आम्हालाच मिळाली पाहिजे’ असे सांगताना दिसत आहेत.” असे कंवल यांचे म्हणणे आहे.

त्यामुळे कंवल यांचे म्हणणे खरे मानले तर राज्यातल्या प्रमुख सत्ताधारी पक्षाचे कार्यकर्तेच कायदा सुव्यवस्था हातात घेत आहेत का? असा प्रश्न उपस्थित होऊ लागला आहे. कारण यापूर्वीही त्याप्रकारच्या घटना राज्यात दिसून आल्या आहेत.