आपल्या आक्रमक शैलीसाठी प्रसिद्ध असणारे भारतीय जनता पार्टीचे नेते आमदार अतुल भातखळकर यांनी रविवारी शिवसेना आमदार संजय गायकवाड यांचा चांगलाच समाचार घेतला. संजय गायकवाड यांच्या एका व्हिडीओवर प्रतिक्रिया देताना त्यांनी शिवसेनेची पार पिसं काढली. त्यांच्या या आक्रमक ट्विटवर नेटकरी बेहद्द खुश झालेले दिसत आहेत.
शिवसेनेचे आमदार संजय गायकवाड यांची शनिवारी जीभ घसरली. भाजपा नेते देवेंद्र फडणवीस यांच्यावर टीका करताना त्यांनी पातळी सोडली. “मला जर कोरोनाचे जंतू सापडले असते, तर मी विरोधी पक्षनेते देवेंद्र फडणवीस यांच्या तोंडात कोंबून टाकले असते.”, असे वक्तव्य शिवसेना आमदार संजय गायकवाड यांनी केले. फडणवीसांनी कोरोनावरुन राजकारण करु नये, असा इशाराही त्यांनी दिला. ते बुलढाण्यात बोलत होते. यावेळी संजय गायकवाड यांनी सभ्यतेच्या सर्व मर्यादा ओलांडून अत्यंत शेलक्या शब्दांत देवेंद्र फडणवीस यांना लक्ष्य केले.
हे ही वाचा:
पहिला प्रयोग तुझ्या घरकोंबड्या मुख्यमंत्र्यावर कर
…. तर मी कोरोनाचे ‘जंतू’ देवेंद्र फडणवीस यांच्या तोंडात कोंबले असते
ठाकरे सरकारच्या मंत्र्यांना फक्त वसुलीच कळते
दुपारी मंत्री दम देतात, संध्याकाळी अटक होते
गायकवाड यांच्या या वक्तव्याचा सगळीकडून निषेध होत असून त्यांच्यावर भाजपाकडून चांगलाच हल्ला चढवला आहे. भाजप नेते आमदार अतुल भातखळकर यांनी तर गायकवाडांचा उल्लेख थेट ‘मंदबुद्धी’ असाच केला. त्यांचा रोख गायकवाड यांच्या वक्तव्यातील चुकीकडे होता. गायकवाड यांनी कोरोना विषाणूचा उल्लेख जंतू असा केला होता. त्यावरूनच भातखळकरांनी निशाण साधला. “यथा सूडबुद्धी जनाबसेना पक्षप्रमुख, तथा टुकार जनाबसैनिक…” असा टोलाही आमदार अतुल भातखळकर यांनी लगावला आहे. अतुल भातखळकर यांच्या सोबतच भाजपा आमदार नितेश राणेंनीही गायकवाडांना धारेवर धरलेले दिसले.