श्रीनगरच्या रंगरेथ भागात सुरक्षा दलांसोबत झालेल्या चकमकीत दोन अज्ञात दहशतवादी ठार झाल्याची माहिती जम्मू-काश्मीर पोलिसांनी सोमवारी दिली. २ अज्ञात दहशतवादी ठार, शोध चालू आहे. पुढील तपशील पुढे दिले जातील.” असे पोलिसांनी ट्विट केले.
अधिकाऱ्यांनी सांगितले की, सुरक्षा दलांनी परिसरात शोध मोहीम सुरू केली आहे. दक्षिण काश्मीरच्या पुलवामा जिल्ह्यात सुरक्षा दलांनी जैश-ए-मोहम्मद (JeM) च्या स्थानिक दहशतवाद्याला एका चकमकीत ठार केल्याच्या एका दिवसानंतर सोमवारची कारवाई झाली. पोलिसांनी सांगितले की त्यांनी भारतीय लष्कराच्या ४२ राष्ट्रीय रायफल आणि केंद्रीय राखीव पोलीस दलाच्या (CRPF) १३० बटालियनने विशिष्ट माहितीच्या आधारे अवंतीपोराच्या बरगाम परिसराला वेढा घातला.
“शोध मोहिमेदरम्यान, अडकलेल्या दहशतवाद्याची उपस्थिती निश्चित झाल्यामुळे, त्याला आत्मसमर्पण करण्याची भरपूर संधी देण्यात आली. तथापि, त्याने नकार दिला आणि संयुक्त शोध पक्षावर अंदाधुंद गोळीबार केला ज्याने प्रत्युत्तर दिले, ज्यामुळे चकमक झाली.” असे पोलिस प्रवक्त्याने सांगितले. तंत्रे हा पूर्वी दहशतवादी सहकारी होता आणि परिसरात सक्रिय दहशतवाद्यांना रसद पुरवण्यात गुंतला होता, असे प्रवक्त्याने सांगितले.
ज्या ठिकाणी दहशतवादी लपले होते त्या ठिकाणी सुरक्षा दलांनी घेरले तेव्हा त्यांनी मोठ्या प्रमाणात गोळीबार केला. ज्यामुळे चकमक सुरू झाली. दोन अज्ञात दहशतवाद्यांना कंठस्नान घालण्यात आले आहे.
हे ही वाचा:
मोदींनी कशी विश्वनाथ मंदिरातून, नागरिकांकडे ‘या’ तीन प्रतिज्ञा मागितल्या
प्रजासत्ताक दिनाला पाच मध्य आशियाई देशांना निमंत्रण
नाफ्ताली बेनेट यांचा ऐतिहासिक युएई दौरा
एक दिवसापूर्वी जम्मू-काश्मीरमधील अवंतीपोरा येथील बरागाम भागात झालेल्या चकमकीत एक अज्ञात दहशतवादी मारला गेला होता. एका पोलीस अधिकाऱ्याने सांगितले की, दहशतवाद्यांच्या उपस्थितीबद्दल विशिष्ट माहिती मिळाल्यानंतर सुरक्षा दलांनी दक्षिण काश्मीर जिल्ह्यातील अवंतीपोरा येथील बारागाम भागात घेराबंदी आणि शोध मोहीम सुरू केली.
