गुरुवार, २९ जून रोजी आषाढी एकादशी असून यानिमित्त पंढरपुरात वारकऱ्यांची आणि भाविकांची मोठी गर्दी जमली आहे. या आषाढी वारीनिमित्त राज्याचे मुख्यमंत्री एकनाथ शिंदे आणि त्यांच्या पत्नी लता शिंदे यांच्या हस्ते श्री विठ्ठल- रुक्मिणीची शासकीय महापुजा संपन्न झाली. यावेळी खासदार श्रीकांत शिंदे हे ही त्यांच्या पत्नी आणि मुलासह उपस्थित होते. यावर्षी मानाचे वारकरी म्हणून अहमदनगर जिल्ह्यातील नेवासा तालुक्यातील वाकडी गावातील भाऊसाहेब मोहनीराज काळे आणि मंगल भाऊसाहेब काळे या शेतकरी दाम्पत्याला पुजेचा मान मिळाला.
मोठ्या उत्साहात आणि भक्तिमय वातावरणात मुख्यमंत्री एकनाथ शिंदे यांनी सपत्निक विठ्ठल- रक्मिणीची मनोभावे शासकीय महापूजा पार पाडली. यावेळी त्यांनी बळीराजाला, कष्टकऱ्याला चांगले दिवस येऊ दे, राज्य सुजलाम सुफलाम होऊ दे. पाऊस पडू दे, अशी प्रार्थना एकनाथ शिंदेंनी यावेळी केली. मंदिरातील कर्मचाऱ्यांना सहाव्या वेतन आयोगानुसार महागाई आणि घर भत्ता मंजूर करण्याची घोषणा मुख्यमंत्री एकनाथ शिंदे यांनी केली.
मुख्यमंत्री एकनाथ शिंदे यांच्यासोबत मानाचा वारकरी म्हणून अहमदनगर जिल्ह्यातील नेवासा तालुक्यातील वाकडी गावातील भाउसाहेब मोहनीराज काळे आणि मंगल भाऊसाहेब काळे या शेतकरी दाम्पत्याला पुजेचा मान मिळाला. हे दाम्पत्य गेल्या २५ वर्षापासून भास्कर गिरी महाराज यांच्या सोबत देवगड ते पंढरपूर पायी वारी करत आहे. भाऊसाहेब काळे हे शेतकरी आहेत.
हे ही वाचा:
रहिवासी संकुलांमध्ये बकऱ्यांची कत्तल करण्यास मनाई
टोमॅटोचे दर गगनाला का भिडले आहेत?
‘रस्त्यावरील मॅनहोलचे झाकण’ चोरी करणारे पोलिसांकडून ‘जेरबंद’!
गुरुदक्षिणा देण्याच्या मूडमध्ये मोदी
या शासकीय महापूजेवेळी मुख्यमंत्री एकनाथ शिंदे यांच्यासोबत त्यांच्या परिवारातील सर्व सदस्य उपस्थित होते. याचबरोबर सोलापूर जिल्ह्याचे पालकमंत्री राधाकृष्ण विखे- पाटील, ग्रामविकास मंत्री गिरीश महाजन, कामगार मंत्री सुरेश ख्याडे, शालेय शिक्षण मंत्री दीपक केसरकर, आरोग्यमंत्री तानाजी सावंत, मंत्री दादा भुसे आणि इतर लोक उपस्थित होते,