अफगाणिस्तानचे माजी उपराष्ट्रपती आणि पंजशीर प्रांतात तालिबानचा मुकाबला करणाऱ्या प्रतिरोधक दलाचे नेते अमरुल्ला सालेह आपल्या टीमसह ताजिकिस्तानला पोहोचले असल्याची माहिती मिळत आहे.
तालिस्तानने संपूर्ण पंजशीर परिसराला वेढा घातल्यानंतर तालिकिस्तान सरकारने सालेह यांना सुरक्षित मार्ग दिला. सालेह यांच्या जवळच्या सूत्रांचे म्हणणे आहे की त्यांना कोणतीही पुष्टी करता येणार नाही परंतु ही “रणनीतिक माघार” आहे.
तालिबानच्या विरोधात उभा असलेला शेवटचा माणूस म्हणजे सालेहचा ठावठिकाणा अज्ञात होता कारण तालिबानने तो राहत असलेल्या घरावर बॉम्बहल्ला केला. त्यानंतर ते सुरक्षित असल्याचे सांगण्यात आले आणि त्यांनी आश्रय घेतला असला तरी त्यांच्या स्थानाविषयी कोणताही तपशील समोर आला नाही.
व्हिडिओमध्ये तालिबानी लढाऊ रोख आणि सोन्याच्या विटांनी भरलेल्या दोन सूटकेसमध्ये बसलेले दिसत आहेत. १८ सोन्याच्या विटांसह एकूण साडेसहा दशलक्ष अमेरिकन डॉलर्स जप्त करण्यात आले आहेत असा दावा तालिबानने केला आहे.
तत्पूर्वी, तालिबान्यांनी अमरुल्लाह सालेहचा भाऊ रोहुल्लाह सालेहला पंजशीर खोऱ्यात झालेल्या चकमकी दरम्यान ठार मारले. राष्ट्रीय सुरक्षा मोर्चाचे माजी प्रमुख अमरूल्लाह सालेह १५ ऑगस्ट रोजी काबुलवर तालिबानच्या कब्जाच्या वेळी पंजशीर खोऱ्यात निघून गेले होते. त्यानंतर त्यांनी राष्ट्रीय प्रतिरोध मोर्चाचे (एनआरएफ) अहमद मसूद यांच्याशी हातमिळवणी केली.
हे ही वाचा:
‘ऑकस’नंतर बायडन-मॅक्रॉन “मैत्रीपूर्ण” फोन
क्वाड लवकरच भारतात बनवणार एक अब्ज लसी
मोदींच्या अमेरिका भेटीतून मिळणार सशस्त्र ड्रोन?
सालेहने यापूर्वी म्हटले होते की तालिबान वर्चस्व असूनही “स्थिरतेपासून दूर आहे. देशाच्या लोकांमध्ये त्याच्या समर्थनाच्या दाव्यावर प्रश्नचिन्ह उपस्थित केले आहे. जर राष्ट्राचा तुमच्यावर थोडा विश्वास असेल तर लोक देशाच्या सीमेवर का रांगेत आहेत. पूर्वीच्या वर्चस्वाच्या संरचनेचा अर्थ स्थिरता नव्हता आणि जमिनीवरील आपले आधुनिक वर्चस्व याचा अर्थ स्थिरता नाही.”