प्रतिबंधित इस्लामी संघटना तहरीक-ए-लब्बैक पाकिस्तान (TLP) सोबतचा संघर्ष टाळण्यासाठी इम्रान खान सरकारने या गटाच्या ३५० कार्यकर्त्यांची सुटका केली आहे. तेहरीक-ए-लबाइक पाकिस्तानने इस्लामाबादवर ‘लाँग मार्च’ काढण्याची धमकी दिली होती.
“आम्ही आतापर्यंत ३५० टीएलपी कामगारांना सोडले आहे. टीएलपीच्या निर्णयानुसार आम्ही अजूनही मुरीडके रस्त्याच्या दोन्ही बाजू उघडण्याची वाट पाहत आहोत.” टीएलपीच्या प्रतिनिधींशी बोलणी करताना सरकारी पक्षाचे नेतृत्व केल्यानंतर गृहमंत्री शेख रशीद यांनी ट्विट केले.
सरकारने टीएलपीचे प्रमुख साद रिझवी यांची सुटका करण्याच्या योजनेवर काम करत असल्याचे आश्वासन दिले आहे, असे पाकिस्तानचे मंत्री रशीद म्हणाले.
पाकिस्तानचे अग्रगण्य दैनिक डॉनने टीएलपी कार्यकर्त्यांना सोडण्याच्या सरकारच्या निर्णयाचे वर्णन ‘हिंसक निदर्शकांपुढे आणखी एक संपूर्ण आत्मसमर्पण’ असे केले आहे.
टीएलपीचे संस्थापक दिवंगत खादिम रिझवी यांचा मुलगा साद हुसेन रिझवीला गेल्यावर्षी अटक करण्यात आली होती. फ्रान्समध्ये प्रकाशित झालेल्या मुहम्मद पैगंबरांच्या व्यंगचित्राविरोधात टीएलपी पक्षाने आंदोलन केले होते. पाकिस्तान सरकारने या कृतीचा निषेध करावा. त्याचबरोबर फ्रांस सरकारचे राजदूत परत पाठवावेत अशी मागणीही त्यांनी केली आहे. राजदूत परत पाठवले जावेत त्याचबरोबर त्या देशातून वस्तूंच्या आयातीवर बंदी घातली जावी अशीही मागणी त्यांनी केली होती.
हे ही वाचा:
पूर्वीची सरकारे केवळ आपल्या कुटुंबाच्या तिजोऱ्या भरत होती
नवाब मलिक माझ्या मृत आईवर हल्ले करत आहेत
मला चुकीच्या पद्धतीने अडकवले जात आहे, वानखेडे यांनी लिहिले पत्र
… म्हणून त्याने मारली राज्यपालांच्या कानशिलात!
फ्रान्सचे अध्यक्ष इमॅन्युएल मॅक्रॉन यांनी प्रेषित मोहम्मद यांचे चित्रण करणारी व्यंगचित्रे पुन्हा प्रकाशित करण्याच्या व्यंगचित्र मासिकाच्या अधिकाराचे रक्षण केल्यापासून टीएलपीने फ्रान्सविरोधी मोहीम सुरू केली आहे.
